by Ministério do Ensino Superior, Ciência e Cultura (MESCC) liu husi Unidade de Parceria e Cooperação (UPC), informa ba públiku katak Governu Brunei Darussalam liu husi Programa The Government of Brunei Darussalam Scholarship for the Foreign Students Tenable in Brunei Darussalam, Academic Session 2025/2026. Oferese bolsu estudu kompletu ho vaga rua (2) ba Timor oan hotu atu kontinua estudu iha Instituisaun ensinu superior iha Brunei Darussalam, ho programa nivel Lisensiatura (S1), no nivel Mestradu (S2).
Instituisaun ensinu superior lima ne’ebé maka partisipa iha programa bolsu estudu ne’e mak hanesan; Universiti Brunei Darussalam (UBD), Universiti Islam Sultan Sharif Ali (UNISSA), Univrsiti Teknologi Brunei (UTB), Politeknik Brunei (PB) no Kolej Univesiti Perguruan Ugama Seri Begawan (KUPU SB).
KRITERIA ELIJIBILIDADE
- Tenki sidadaun Timor oan.
- Tenki iha kondisaun saúde (mentál no fíziku) ne’ebé permite atu halo estudu iha rai li’ur.
- Kandidatu hela permanente iha Timor Leste no bolsu estudu ne’e la oferese ba sidadaun Brunei Darussalam ou estrangeiru ne’ebé hela permanente iha Brunei Darussalam.
- Sidadaun ASEAN, OIC, ou membru nasaun Commonwealth.
- Tenki iha maturidade no kapasidade atu halo moris independente iha rai li’ur.
- La iha rejistu kriminál ka ezekusaun sivíl husi tribunál kontra kandidatu.
- Seidauk halao estudu iha nasaun Brunei Darussalam antes ne’e, no seidauk hetan bolsa husi governu Timor-Leste ka parseiru nasaun seluk (iha momentu mai aplika bolsa ida ne’e).
- Kandidatu ba programa;
- Nível Lisensiatura ho idade entre 18-25 anos, remata ona ensinu sekundáriu.
- Nível Mestradu ho idade 35 anos iha loron 01 Jullu 2025 (kandidatu nia idade lablele liu minimu antes tinan hahu kursu refere tanba tinan akademi sei hahu iha entre fulan Jullu/Agustu 2025), remata ona lisensiatura.
- Kandidatu tenke iha ona sertifikadu IELTS ho score minimu 6.0 ka TOEFL score minimu 550.
DOKUMENTUS APLIKASAUN
- Fotográfia medida passaporte nian (fotográfia 3×4 foun, fundu mean)
- Fotokópia diploma no transkrisaun akadémika ne’ebe legalizadu husi ME (ensinu sekundariu) no MESCC (universitaria); akompaña mos nia tradusaun iha lian ingléz ne’ebé mak legalizadu ona.
- Fotokópia koloridu Sertidaun RDTL (versaun Ingléz) ne’ebe autentikadu husi Ministériu Justisa/Diresaun Notariadu.
- Fotokópia koloridu Passaporte ne’ebe autentikadu husi Ministériu Justisa/Diresaun Notariadu.
- Fotokópia koloridu Bilete Identidade RDTL ne’ebe autentikadu husi Ministériu Justisa/Diresaun Notariadu.
- Fotokópia Buletim Registo Criminal, Versaun Ingléz; (Validu fulan 6 no autentikadu husi Ministériu Justisa/Diresaun Notariadu.
- Fotokópia sertifikadu kursu Lian Ingléz (TOEFL ho score minimu 550 ou IELTS ho score minimu 6,0)
- Karta Rekommendasaun husi referénsia nain rua; husi Escola Anterior no Fatin Servisu.
PROSESU APLIKASAUN
- Atu hatene programa estudu husi universidade 5(lima) ne’ebe oferese bolsa, interesante sira bele vizita link mak hanesan:
- Universiti Brunei Darussalam (UBD) www.ubd.edu.bn
Aplikantes ne’ebé hili Universiti Brunei Darussalam tenki kompleta mos aplikasaun online iha https://apply.ubd.edu.bn/orbeon/uis-welcome/
- Universiti Teknologi Brunei (UTB) https://www.utb.edu.bn/
Aplikantes ne’ebe hili Univesiti Teknologi Brunei tenqi kompleta mos aplikasaun online iha https://apply.utb.edu.bn/
- Universiti Islam Sultan Sharif Ali (UNISSA) http://www.unissa.edu.bn/
- Politeknik Brunei (PB) https://pb.edu.bn/
- Kolej Univesiti Perguruan Ugama Seri Begawan (KUPU SB) https://www.kupu-sb.edu.bn
- Atu hatene kompletu no detallu bele visita queriesBDGS2025@mfa.gov.bn
Kalendáriu Prosesu Kandidatura
- Dia 19 de Dezembru 2024: Publikasaun vaga bolsa estudu
- Dia 23 de Dezembru 2024 to’o dia 7 de Janeiru 2025: Submisaun dokumentu aplikasaun (fíziku) mai UPC-MESCC.
- Dia 8 de janeiru 2025: Anunsiu rezultadu selesaun dokumentu.
- 9 – 10 de Janeiru 2025: lntervista ba aplikante ne’ebé liu selesaun dokumentu.
- Dia 11 de Janeiru 2025: Anunsiu rezultadu finál ba kandidatu ne’ebé passa intervista
- Dia 12 de Janeiru 2025: Pedidu aprovasaun lista kandidatu rekomendadu Sua Excia. MESSK molok submete ba Embaixada Brunei Darussalam iha Dili.
- Dia 14 de Janeiru 2025: Submisaun dokumentu kandidatu rekomendadu sira ba Embaixada Brunei Darrussalam iha Dili.
Ba detalla informasaun, bele vizita website MESCC https://mescc.gov.tl ka pajina facebook ofisiál MESCC nian ka bele mai diretamente iha UPC-MESCC, Avenida Marginál no. 4 Colmera – Dili, Timor Leste, iha oras serbisu nian.
Mak ne’e deit, Ba ita bo’ot sira nia atensaun ami hato’o obrigadu wain.
Dili, 19 Dezembru 2024
Marcelina Liu
Koordenadora UPC Interina.
