𝑺𝒐𝒓𝒖𝒎𝒖𝒕𝒖𝒌 𝑨𝒑𝒓𝒆𝒛𝒆𝒏𝒕𝒂𝒔𝒂𝒖𝒏 𝑹𝒆𝒛𝒖𝒍𝒕𝒂𝒅𝒖 𝑳𝒆𝒗𝒂𝒏𝒕𝒂𝒎𝒆𝒏𝒕𝒖 𝑫𝒂𝒅𝒖𝒔 𝑬𝒏𝒔𝒊𝒏𝒖 𝑺𝒖𝒑𝒆𝒓𝒊ó𝒓 𝑷𝒖𝒃𝒍𝒊𝒌𝒖 𝒏𝒐 𝑷𝒓𝒊𝒗𝒂𝒅𝒖 𝒊𝒉𝒂 𝑻𝒊𝒎𝒐𝒓-𝑳𝒆𝒔𝒕𝒆

Diresaun Nasionál Planeamentu, Parseria no Estatístika (DNPPE) hala’o sorumutuk aprezentasaun kona-ba rezultadu levantamentu dadus dosente no estudante sira husi nível ensinu superiór públiku no privadu sira iha Instituisaun husi ensinu superiór iha teritóriu nasionál.Objetivu husi sorumutuk ne’e atu aprezenta rezultadu ba dadus ne’ebé mak durante ne’e, rekolla ona husi DNPPE ne’e rasik, no rona mós sujestaun no komentáriu sira balun sira konaba dadus ne’ebé mak aprezenta husi reprezentante sira husi Instituisaun ensinu superior.Sorumutuk ne’e, prezide direta husi Diretór Nasionál Planeamentu, Parseria no Estatistika, Sr. Mafaldo Lopes Victor, no hetan partisipasaun husi tékniku sira husi diresaun ne’e rasik, no reprezentante husi entidade relevante sira.