𝐔𝐏𝐂-𝐌𝐄𝐒𝐒𝐊 𝐇𝐀𝐋𝐎 𝐒𝐔𝐏𝐄𝐑𝐕𝐈𝐒𝐀𝐔𝐍 𝐁𝐀 𝐒𝐄𝐑𝐕𝐈𝐒𝐔 𝐀𝐒𝐒𝐈𝐒𝐓𝐄𝐍𝐓𝐄 𝐀𝐃𝐈𝐃𝐔 𝐄𝐃𝐔𝐊𝐀𝐒𝐀𝐔𝐍 𝐊𝐔𝐏𝐀𝐍𝐆

Kupang, 28/04/2024: Ekipa husi Unidade Parseria no Kooperasaun (UPC- Sigla Portugués), Ministériu Ensinu Supérior, Siénsia no Kultura, lideradu husi Koordenador, Sr. Paulo Mariano, halao Supervisaun ba Servisu Assistente adidu edukasaun ministériu nian ne’ebé mak destaka iha Kupang.

Objetivu husi atividade ne’e, hanesan parte husi servisu UPC nian ne’ebé mak defini iha 𝐨𝐫𝐠𝐚𝐧𝐢𝐤𝐚 𝐌𝐢𝐧𝐢𝐬𝐭é𝐫𝐢𝐮 𝐧𝐢𝐚𝐧, 𝐚𝐫𝐭𝐢𝐠𝐮 𝟐𝟐, 𝐚𝐥𝐢ñ𝐚 𝐟,

ne’ebé mak fo kompetensia atu hodi supervisiona no monitoriza atividade no servisu husi Gabinete adidu sira Ministériu nian ne’ebé mak destaka ih arai liur.

Total servisu gabinete MESSK nian, ne’ebé destaka iha Indonesia kompostu husi Gabinete adidu edukasaun ida (1) ne’ebé mak kolokadu iha Jakarta Indonesia, ho nia assitente hamutuk nain tolu (3), ida (1) iha Jakarta indonesia no rua (2) seluk destaka iha Kupang no Denpasar Bali.

Sesaun atividade ida ne’e, ekipa halo sorumutu dahuluk ho Konsuladu Timor-Leste nian iha Kupang, Sr. Joaquim Fernandes ho nia ekipa, hafoin halao mos observasaun ba servisu husi assitente nia servisu.

Portanto, ekipa ne’ebé halo supervisaun ne’e kompostu husi, UPC rasik, hamutuk ho Assesora husi Gabinete Ministro MESSK, no Adjunta Gabinete Inspesaun no Auditoria MESSK.