𝐓𝐄𝐊𝐍𝐈𝐊𝐔 𝐌𝐄𝐒𝐒𝐊 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐏𝐑𝐎𝐆𝐑𝐀𝐌𝐀 𝐍𝐙𝐄𝐋𝐓𝐎 𝟐𝟎𝟐𝟒 𝐈𝐇𝐀 𝐍𝐎𝐕𝐀 𝐙𝐄𝐋𝐀𝐍𝐃𝐈𝐀

Tekniku husi Ministériu Ensinu Supérior, Siénsia no Kultura, ne’ebé representa husi, Sr. Gaspar Noronha no Sra. Dulcie Pereira, partisipa iha Programa NZELTO (New Zealand English Language Training for government officials from Asia) Intake 57 ho tema “Edukasaun” inklui formasaun lian Inglés, projetu servisu kona-ba edukasaun, boa governasaun no interkultural.

Programa ne’e oferese husi MInistériu Negosiu Estranjeiru no Komersiu New Zealandia nian, ho nia objetivu atu haforsa iha área edukasaun, boa governasaun, no intercultural, atu hodi promove integrasaun rejionál entre nasaun partisipante sira kona-ba komprensaun interkulturál entre ofisiais sira nasaun partisipante nia ho Nova Zelandia.

Portanto, atividade ne’ebé mak realiza iha formasaun ida ne’e mak hanesan, formasaun lian ingles ne’ebé mak oferese husi Victoria University of Wellington English Language Institute, komunikasaun intercultural, introdusaun kona-ba Boa Governasaun Nova zelandia nian, Workplace communication, visits field trip ne’ebé mak hodi reforsa kapasitasaun pessoal husi participantes sira nian.

Representantes Timor-Leste sira ne’ebé mak hola parte iha programa ida ne’e hamutuk nain ha’at (4), husi Instituisaun sira hanesan, MESSK rasik, ANAAA, no INDIMO. Ne’ebé mak hamutuk ho partisipantes sira seluk husi Nasaun Cambodia, Lao PDR, Indonesia, no Vietam ho total hamutuk ema nain 32.

Programa ne’e halao iha Wellington, New Zealandia ne’ebé mak hahu husi loron 21 Fevereiru to 24 fulan maiu 2024.