𝐒.𝐄𝐗𝐀. 𝐌𝐈𝐍𝐈𝐒𝐓𝐑𝐔 𝐄𝐍𝐒𝐈𝐍𝐔 𝐒𝐔𝐏𝐄𝐑𝐈Ó𝐑 𝐒𝐎𝐑𝐔𝐌𝐔𝐓𝐔 𝐇𝐎 𝐃𝐄𝐋𝐄𝐆𝐀𝐒𝐀𝐔𝐍 𝐇𝐔𝐒𝐈 𝐔𝐍𝐈𝐕𝐄𝐑𝐒𝐈𝐃𝐀𝐃𝐄 𝐊𝐀𝐓𝐎𝐋𝐈𝐊𝐀 𝐏𝐎𝐑𝐓𝐔𝐆𝐔𝐄𝐒𝐀

Díli, 26/08/2024: S. Exa. Ministru Ensinu Superiór, Siénsia no Kultura, Dr. José Honório, halao sorumutu ho delegasaun husi Universidade Katolika Portuguesa (UCP – Sigla Portugés), iha salaun reuniaun MESSK, Colmera Dili, hodi kolia konaba, futuro kooperasaun entre instituisaun rua (2) ne’e nian.

Objetivu prinsipal husi sorumutu ida ne’e maka, hodi kolia kona-ba futuro kooperasaun ne’ebé sei realiza entre UCP ho Ministériu, liu-liu ba iha kapasitasuan ba formasaun lian portugés nian, formasaun ba professores sira ne’ebé mak hanorin lian portugés, formasaun ba Jestaun Be no area seluk hanesan teknolojia nian. Aleinde ne’e, assuntu seluk ne’ebé mak inklui iha ajenda ida ne’e maka, kolia konaba atu harii eskola doutoramentu iha Timor-Leste.

Hola parte iha sorumutu ida ne’e, komposto Magnifika Reitora, Dra. Isabel Capelo ho nia ekipa, ne’ebé mak akompañadu husi Diretora Jeral Ensinu Superiór no Siénsia, Sra. Maria Filomena Lay Guterres, no assessor nasional no internasional MESSK.