𝐒𝐎𝐑𝐔𝐌𝐔𝐓𝐔 𝐓𝐄𝐊𝐍𝐈𝐊𝐔 𝐌𝐄𝐒𝐒𝐊 𝐇𝐎 𝐔𝐍𝐈𝐕𝐄𝐑𝐒𝐈𝐃𝐀𝐃𝐄 𝐂𝐈𝐏𝐔𝐓𝐑𝐀

Surabaya, 15/06/2024: Ekipa Tekniku husi Ministériu Ensinu Supérior, Siénsia no Kultura, lideradu husi Koordenador Unidade Parseria no Kooperasaun, Sr. Paulo Mariano, akompañadu husi Assesora UPC, Sra. Dalia Suzana hamutuk ho Adidu Edukasaun iha Indonesia, halao sorumutu ho Universidade Ciputra indonesia, hodi hare ba futuru kooperasaun ho Timor-Leste liu husi MESSK, ba iha area kapasitasaun rekursu Humanu nian.

Objetivu husi sorumutu ida ne’e maka, hodi diskute kona-ba teknikamente futuru kooperasaun ne’ebé mak sei halo entre Instituisaun rua (2) ne’e nian, ba area hanesan kapasitasaun rekursu humanu Timor-Leste nian, liu husi oferta bolso estudu ba iha area Jestaun, Medisina no Turismo. Aleinde ne’e, iha diskusaun ne’e mos inklui kona-ba programa seluk hanesan Joint reserch, interkambiu, servisu komunitariu no seluk tan.

Liu husi kooperasaun ida ne’e mos, ministériu sei sai hanesan fonte ba, kooperasaun servisu entre universidade refere ho Instituisaun Ensinu Supérior, sira seluk iha Timor-Leste atu hodi kontribui ba iha reforsa kualidade sistema no ensinu supérior iha rai laran rasik.

Portantu, ajenda seluk ne’ebé mak inklui iha sesaun ida ne’e, Universidade Ciputra rasik oferese oportunidade hodi sai hanesan fonte ba Timor-Leste, atu hodi bele partisipa iha programa Apple Academy, ne’ebé mak fundu husi empressa internacional Apple husi Estadu Unidos America hodi oferese ba iha pais sira ASEAN. No liu husi Ciputra Timor-Leste bele hola parte mos iha programa ida ne’e, hodi bele fo oportunidade ba timor oan sira ne’ebé mak iha paixão ba area tecnologia liu-liu ba inovasaun programa hodi bele expressa sira nia abilidade no kapasidade iha area teknolojia principalmente ho produto husi Apple nian rasik.