𝐌𝐈𝐍𝐈𝐒𝐓𝐑𝐔 𝐄𝐍𝐒𝐈𝐍𝐔 𝐒𝐔𝐏𝐄𝐑𝐈Ó𝐑 𝐇𝐀𝐋𝐀’𝐎 𝐀𝐁𝐄𝐑𝐓𝐔𝐑𝐀 𝐀𝐊𝐑𝐄𝐃𝐈𝐓𝐀𝐒𝐀𝐔𝐍 𝐏𝐑𝐎𝐆𝐑𝐀𝐌Á𝐓𝐈𝐊𝐀 𝐧𝐨 𝐈𝐍𝐒𝐓𝐈𝐓𝐔𝐒𝐈𝐎𝐍Á𝐋 𝟐𝟎𝟐𝟑 𝐈𝐇𝐀 𝐔𝐍𝐏𝐀𝐙

𝐃𝐈𝐋𝐈 𝟐𝟔 𝐉𝐮𝐥𝐥𝐮 𝟐𝟎𝟐𝟑 – Governu Konstitusionál Da-sia liuhosi, S. E. Ministru Edukasaun Superior, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, hala’o abertura ba prosesu Avaliasaun Akreditasaun Programátika no Institusionál tinan 2023 hosi ANAAA nian.

Serimónia ne’e hala’o iha Universidade da Paz (UNPAZ), iha Salaun José de Casimiro Osindo, Manleuana.

Iha diskursu, Sr. Ministru hatete, avaliasaun instituisionál no programátika iha ensinu superior importante tebes ba asegura kualidade ensinu superior, tamba prosesu avaliasaun kontribui atu hadi’a kualidade ensinu, indentifika nesesidade kada instituisaun, transparénsia prosesu edukasaun no prestasaun kontas nian no mós liuhusi avaliasaun ba instituisaun sira hatudu oinsá utiliza rekursu sira no hatán ba espetativa merkadu traballu nian.

Partisipa mós iha serimónia ne’e, Magnífiku Reitór Universidade da Paz, Dr. Adolmando Soares Amaral, Lic.Eco.,MM., Diretór Ezekutivu ANAAA. I.P, Dr. Nilton Diamantino Paiva Mau, PHD, Avaliadór Internasionál, Prof. Dr. Maniam Kaliannan no mós Avaliadór Nasionál hanesan Dr. Helio A. da Costa Xaver no Dr. Jonio Soares, Reprezentante FNM Eng. Hugo Carvalho, Vise-Reitor, Pro-Reitor, Dekanu no dirijente sira, inklui sivitas Akadémiku Universidade da Paz.