𝐌𝐄𝐒𝐒𝐊 𝐒𝐄𝐋𝐄𝐁𝐑𝐀 𝐀𝐊𝐎𝐑𝐃𝐔 𝐓𝐄𝐊𝐍𝐈𝐊𝐔 𝐇𝐎 𝐊𝐎𝐌𝐏Ñ𝐈𝐀 𝐃𝐀𝐈𝐊𝐘𝐎 𝐔𝐍𝐃𝐔𝐒𝐓𝐑𝐈𝐀𝐋 𝐆𝐀𝐒 & 𝐄𝐐𝐔𝐈𝐏𝐌𝐄𝐍𝐓 𝐁𝐑𝐔𝐍𝐄𝐈 𝐃𝐀𝐑𝐔𝐒𝐀𝐋𝐀𝐌 𝐁𝐀 𝐀𝐑𝐄𝐀 𝐊𝐀𝐏𝐀𝐒𝐈𝐓𝐀𝐒𝐀𝐔𝐍 𝐑𝐄𝐊𝐔𝐑𝐒𝐔 𝐔𝐌𝐀𝐍𝐔

Díli, 21/05/2024: Ministériu Ensinu Supérior, Siénsia no Kultura, selebra akordu tekniku assinatura Memorandu de Entendimenu (MOU), iha salan MESSK, Colmera Díli, ho kompañia Daikyo Industrial Gas & Equipment husi Brunei Darussalam ba area bolso estudu ba Timor oan atu kontinua estudu iha Brunei.

Objetivu husi akordu ida ne’e, atu hodi foka ba iha area kapasitasaun rekursu umanu, liuhusi bolso de estudu ne’ebé mak oferese ba Timor oan sira atu kontinua sira nia estudu , iha Nasaun Brunei Darusalam, liu-liu ba atu reforsa abilidade rekursu umanu Timor oan nian, iha area espesialidades sira tuir nessesidade ne’ebé mak prooien no nessesita.

Kompñia refere rasik antes ne’e, oferese ona bolso estudo ba ba Timor-Leste, ne’ebé mak Loke liu husi Unidade Parseria no Kooperasaun – MESSK iha fulan hirak liu ba, hodi selesionadu ona bolseiru nain rua (2) liuhusi konkursu meritu programa Daikyo Industrial Gas & Equipment, Friendship Scholarship (Brunei Darussalam) 2024 nian, ne’ebé mak sei kontinua sira nia estudu iha nivel Diploma III, iha Laksamana College of Business (LCB), ba area Hospitalidade nian, iha Brunei Darussalam

Iha Sesaun ida ne’e, ´´S. Exa. Ministru Ensinu Supérior, Siénsia no Kultura, hato’o agradece ba kompañia Dayco ne’ebé mak oferrese oportunidade bolso estudo ba Timor oan atu kontinua estudu iha area Turismu no hotelaria nian, no iha tempo hanesan mos informa Ministériu Hanoin ona atu planu ba iha futuru hakarak fortifika liu tan kooperasaun entre nasaun Timor-Leste ho Brunei nian, iha setor Ensinu Supérior nian“.

Acordo ne’e ofisialmente assina husi Diretora Jeral Ensinu Supérior no Siénsia, Sra. Maria Filomena Lay Guterres, ho kompañia Daykio, ne’ebé testemuña husi partisipantes sira hanesan, S. Exa. Ministru MESSK, Dr. José Honório, S. Exa. Embaixador Brunei Darrusalam, Delegasaun Daykio, Delgasaun husi MNEC, , no Entidades relevantes sira.