𝐋𝐞𝐧𝐬𝐚 𝐅𝐨𝐭𝐨

𝗗í𝗹𝗶, 𝗧𝗲𝗿𝘀𝗮-𝗙𝗲𝗶𝗿𝗮, 𝟭𝟭 𝗝𝘂𝗹𝗹𝘂 𝟮𝟬𝟮𝟯, ekipa Atleta feto modalidade Futsal husi Ministériu Edukasaun Superiór, Siénsia no Kultura, partisipa iha jogu tasa funsaun publika faze eleminatoriu ba 3 lugár, ne’ebé mak realiza iha Salaun MJDAC nian.

Iha faze eleminatoriu ida-ne’e, ekipa MESSK, nu’udar manan-na’in ho skór 2-0 ba 3º lugár hafoin manán tiha equipa husi Ministériu Justisa.

Tasa Funsaun Públika rasik, hanesan kompetisaun Ordináriu ida ne’ebé sempre realiza iha kada tinan, hodi selebra Loron Nasionál ba Funsaun Públika, no, hanesan mós meius ida atu bele haforsa liu tan lasu-amizade entre ajente servidór estadu sira ne’ebé hamahan-an iha estatu Funsaun Públika nia okos.

Jogu ne’e, hetan suporta no partisipasaun husi S. Exa. Ministru Edukasaun Superiór, Siénsia no Kultura, 𝗗𝗿. 𝗝ó𝘀𝗲 𝗛𝗼𝗻ó𝗿𝗶𝗼 𝗱𝗮 𝗖𝗼𝘀𝘁𝗮 𝗣𝗲𝗿𝗲𝗶𝗿𝗮 𝗝𝗲𝗿ó𝗻𝗶𝗺𝗼, hamutuk ho dirijente no funsionáriu sira MESSK nian.