by 𝐌𝐀𝐍𝐔𝐅𝐀𝐇𝐈, 𝟎𝟖 𝐀𝐠𝐨𝐬𝐭𝐮 𝟐𝟎𝟐𝟑 – Governu liuhosi Ministériu Ensinu Superior, Siénsia no Kultura (MESSK) servisu hamutuk ho Ministériu Obras Públikas (MOP), no Ministériu Planeamentu, Investimentu no Estratéjiku (MPIE) nia Ajensia Dezenvolvimentu Nasionál (ADN), halo observasaun direta ba projetu konstrusaun edifísiu foun Eskola Institutu Politekniku Betano (IPB).
S. E. Ministru Ensinu Superior, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, hatete objetivu vizita projetu IPB ne’e mai ho Ministru Obras Públikas, 𝐄𝐧𝐠. 𝐒𝐚𝐦𝐮𝐞𝐥 𝐌𝐚𝐫ç𝐚𝐥, atu haree para aselera prosesu ne’e ho di’ak.
Tanba atu aselera, Sr. Ministru sira, ko’alia ho kompañia ne’ebé kaer projetu, no haree direta projetu ne’e nia kondisaun iha faze primeiru.
Sr. Ministru, hatete “Ha’u hanoin ne’e di’ak ba timoroan sira ne’ebé hakarak mai eskola iha Institutu Politekniku Betano”. Aleinde ne’e, Sr. Ministru, ko’alia mós ho estrutura sira IPB nian, tanba hanesan Ministru foun, foin mak halo vizita dahuluk.
Portantu iha vizita ne’e, Estudante ho Dosente sira iha Eskola IPB simu Sr. Ministru na’in-rua ho delegasaun tuir tradisaun Munisípiu ne’e nian.
