𝐋𝐄𝐕𝐀𝐍𝐓𝐀𝐌𝐄𝐍𝐓𝐎 𝐃𝐀𝐃𝐔𝐒 𝐈𝐍𝐒𝐓𝐈𝐓𝐔𝐈𝐒𝐀𝐔𝐍 𝐄𝐍𝐒𝐈𝐍𝐔 𝐒𝐔𝐏É𝐑𝐈𝐎𝐑 𝐒𝐈𝐑𝐀 𝐈𝐇𝐀 𝐌𝐀𝐍𝐔𝐅𝐀𝐇𝐈 𝐍𝐎 𝐁𝐀𝐔𝐊𝐀𝐔

Akipa husi Diresaun Nasional Siénsia no Teknolojia (DNCT – Sigla Portugués), kontinua halo levantamentu ba dadus husi Instituisaun Ensinu Spérior sira hodi atualiza Sistema Base Dadus Ensinu Superior Timor-Leste (SGDES-TL), ba Instituisaun Ensinu Superior sira iha Munisipiu Manufahi no Baukau.

Atividade ne’ebé realiza hahu husi loron Segunda-Feira, 13 Maiu 2024, ho nia objetivu jeral atu hodi simplifika no optimiza jestaun administrativa no akademiku inklui sentralizasaun dadus ba Instituisaun Ensinu Supérior sira hotu iha território nasional Timor-Leste nian, hodi bele garantia kredibilidade, efisiensia no efikasia husi dadus sira ne’e nian.

Atividade ne’ebé realiza iha sesaun ida ne’e mak hanesan, Introdusaun kona-ba implementasaun sistema ida refere no akordu mos ho kompetensia husi diresaun nian, no apresenta mos kona-ba operasaun sistema ho nia navegasaun sira, funsionamentu inklui mos revisaun ba dadus sira ne’ebé mak existe ona iha sistema ne’e rasik.

Levantamentu ida ne’e rasik ekipa realiza ba iha Instituisaun Ensinu Supérior sira hanesan, IBTL no IPB iha Munisipiu Manufahi no iha Munisipiu Baukau rasik, realiza ba ICFP Baukau, ne’ebé akordu ho planu ne’ebé iha, atividade ne’e sei realiza durante semana ida nia laran iha referentes munisipiu rua (2) ne’ebé refere.

Portanto antes ne’e, ekipa resik halo ona levantamentu ba dadus husi Instituisaun Ensinu Supérior sira iha Díli laran, no depois de faze ida ne’e, ekipa sei realiza mos ba iha Munisipiu sira seluk.