𝐄𝐊𝐈𝐏𝐀 𝐓É𝐊𝐍𝐈𝐊𝐔 𝐌𝐄𝐒𝐒𝐊 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐒𝐎𝐑𝐔𝐌𝐔𝐓𝐔 𝐇𝐎 𝐃𝐈𝐑𝐄𝐓𝐎𝐑 𝐄𝐙𝐄𝐊𝐔𝐓𝐈𝐕𝐔 ´´𝐆𝐄𝐎𝐑𝐆𝐈𝐀 𝐓𝐄𝐂𝐇 𝐈𝐍𝐒𝐓𝐈𝐓𝐔𝐓𝐄 𝐅𝐎𝐑 𝐏𝐄𝐎𝐏𝐋𝐄 𝐀𝐍𝐃 𝐓𝐄𝐂𝐇𝐍𝐎𝐋𝐎𝐆𝐘“

Díli, 02/07/2024: Ekipa tékniku Ministériu Ensinu Superiór, Siénsia no Kultura, reprezenta husi Koordenador Komisau Koordenadora ba Universidade no Instituto (CUIS – Sigla Portugés), Dr. Edmundo Viegas, ho tékniku husi DNES-MESSK, hamutuk ho Magnifikus Reitores no Prezidente Instituisaun Ensinu Superiór sira iha Timor-Leste, partisipa iha sorumutu ho Diretor Ezekutivu husi ´´Georgia Tech Institute for People and Technology“, Prof. Dr. Michael L. Best, iha Salaun Konferensia Hotel Golgota, Díli.

Sorumutu ida ne’e ho nia objetivu atu hodi diskute kona-ba possibilidade kooperasaun servisu ne’ebé mak Instituisaun ne’e hakarak atu oferese iha area sira hanesan, Interkambiu, peskiza, joint projects no mos iha area teknolojia nian hanesan artificial Intelijensia nian.

Portantu, Georgia Tech Institute for People and Technology (IPaT), hanesan instituto peskiza interdisiplinar ida ne’ebé iha Institutu Teknolojia Geórgia Estadus Unidos nian. Ne’ebé mak ho nia foku konsentrasaun ba iha avansa estadu teknolojia atu benefisia ba ema no komunidade. Peskiza ne’ebé mak halao husi instituisaun refere rasik kobre ba iha area sira hanesan, Saude, edukasaun, Midia no mos sidade Intelijensia, ne’ebé ho nia objetivu atu hodi dezenvolve solusaun inovadora hodi kontribui bah adia kualidade moris.

Hola parte iha sesaun ida ne’e, Prezidente no Magnifikus Reitores sira husi Instituisaun Ensinu Superiór Públiku no Privadu sira, inklui mos Instituisaun Relevantes sira.