𝐄𝐊𝐈𝐏𝐀 𝐌𝐄𝐒𝐒𝐊 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐖𝐎𝐑𝐊𝐒𝐇𝐎𝐏 ´´𝐓𝐑𝐀𝐃𝐄 𝐀𝐍𝐃 𝐈𝐍𝐕𝐄𝐒𝐓𝐌𝐄𝐍𝐓 𝐍𝐄𝐆𝐎𝐓𝐈𝐀𝐓𝐈𝐎𝐍“

Díli, 24/06/2024: Diretora Jeral Ensinu Supérior, no Siénsia (Interina), Sra. Amelia da Silva Araujo, hamutuk ho tekniku nain 4, partisipa iha workshop kona-ba ´´Trade and Investment Negotiation“, ne’ebé mak organiza husi Ministériu Negosiu Estranjeiru no Kooperasaun liuhusi Diresaun Jeral ba Assuntu ASEAN nian, iha Hotel Novo Turismu Dili.

Programa MNEC implementa ho kolaborasaun hamutuk ho Programa Parceria ba Prosperiedade Inklusiva (PROSIVU) Australia nian, hodi organiza workshop ba formasaun kona-ba ´´Asesu no integrasaun Timor-Leste nian ba Komunidade Ekonomika ASEAN – Negosiasaun ba Komersiu no Investimentu“ nian.

Objetivu husi Workshop ida ne’e, atu hodi kapasita funsionariu governu nian, negociadores no teknikus sira ho abilidades essesnsial atu desenvolve cronograma ba assesu merkadu no prepara ba negosiasaun komersiu no investimento ho Estadu Membru ASEAN sira, atu hodi apoiu ba iha kompromissiu Timor-Leste nian hodi sai hanesan membro pleno ASEAN nian.

Portanto, base-ia ba Ajenda ne’ebé mak iha, workshop refere sei realiza durante semana ida nia laran, hahu husi loron 24 – 28 Juñu 2024, iha fatin hanesan ne’ebé, mak sei konta ho sekuensia atividade sira hanesan, apresentasaun kona-ba rekezitus sira akordu ho roadmap, Introdusaun kona-ba ASEAN ho nia konteudu sira, sesaun diskusaun no mos sesaun sira seluk.