𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐑𝐄𝐋𝐀𝐓Ó𝐑𝐈𝐔 𝐌𝐎𝐍𝐈𝐓𝐎𝐑𝐈𝐙𝐀𝐒𝐀𝐔𝐍 𝐁𝐀 𝐈𝐄𝐒 𝐏𝐑𝐈𝐕𝐀𝐃𝐔 𝐓𝐎𝐋𝐔 (𝟑)

𝗘𝗸𝗶𝗽𝗮 𝗗𝗶𝗿𝗲𝘀𝗮𝘂𝗻 𝗝𝗲𝗿á𝗹 𝗘𝗻𝘀𝗶𝗻𝘂 𝗦𝘂𝗽𝗲𝗿𝗶ó𝗿 𝗻𝗼 𝗦𝗶é𝗻𝘀𝗶𝗮 𝗹𝗶𝘂𝗵𝘂𝘀𝗶 𝗗𝗶𝗿𝗲𝘀𝗮𝘂𝗻 𝗡𝗮𝘀𝗶𝗼𝗻á𝗹 𝗘𝗻𝘀𝗶𝗻𝘂 𝗦𝘂𝗽𝗲𝗿𝗶ó𝗿 𝗨𝗻𝗶𝘃𝗲𝗿𝘀𝗶𝘁á𝗿𝗶𝘂 𝗻𝗼 𝗧é𝗸𝗻𝗶𝗸𝘂, 𝗿𝗲𝗮𝗹𝗶𝘇𝗮 𝗦𝗼𝗿𝘂𝗺𝘂𝘁𝘂 𝗸𝗼𝗻𝗮-𝗯𝗮 𝗮𝗽𝗿𝗲𝘇𝗲𝗻𝘁𝗮𝘀𝗮𝘂𝗻 𝗥𝗲𝗹𝗮𝘁ó𝗿𝗶𝘂 𝗠𝗼𝗻𝗶𝘁𝗼𝗿𝗶𝘇𝗮𝘀𝗮𝘂𝗻 𝗻𝗲’𝗲𝗯é 𝗺𝗮𝗸 𝗲𝗸𝗶𝗽𝗮 𝗵𝗮𝗹𝗮’𝗼 𝗼𝗻𝗮, 𝗯𝗮 𝗜𝗻𝘀𝘁𝗶𝘁𝘂𝗶𝘀𝗮𝘂𝗻 𝗘𝗻𝘀𝗶𝗻𝘂 𝗦𝘂𝗽é𝗿𝗶𝗼𝗿 𝗣𝗿𝗶𝘃𝗮𝗱𝘂 𝘁𝗼𝗹𝘂 (𝟯) 𝗵𝗮𝗻𝗲𝘀𝗮𝗻 𝗗𝗜𝗧, 𝗝𝗦𝗜/𝗝𝗦𝗨 𝗻𝗼𝗺ó𝘀 𝗜𝗦𝗙𝗜𝗧, 𝗶𝗵𝗮 𝗦𝗮𝗹𝗮𝘂𝗻 𝗠𝗘𝗦𝗦𝗞, 𝗞𝗼𝗹𝗺𝗲𝗿𝗮 𝗗í𝗹𝗶.

Atividade ne’e, realiza iha loron-4 to’o loron-8 Agostu 2023 hanesan kontinuasaun husi Atividade Aprezentasaun ne’ebé mak antes ne’e, ekipa mós realiza ona ho Instituisaun Ensinu Superiór sira seluk be ezisti iha territóriu Nasionál.

𝙄𝙢𝙥𝙡𝙚𝙢𝙚𝙣𝙩𝙖𝙨𝙖𝙪𝙣 𝙗𝙖 𝙥𝙧𝙤𝙜𝙧𝙖𝙢𝙖 𝙞𝙙𝙖-𝙣𝙚’𝙚, 𝙗𝙖𝙯𝙚𝙞𝙖 𝙗𝙖 𝘿𝙚𝙠𝙧𝙚𝙩𝙪-𝙇𝙚𝙞 𝙉º. 68/22, 14 𝙎𝙚𝙩𝙚𝙢𝙗𝙧𝙪 “𝙆𝙤𝙣𝙖-𝙗𝙖 𝙍𝙚𝙟𝙞𝙢𝙚 𝙅𝙪𝙧í𝙙𝙞𝙠𝙪 𝙗𝙖 𝙀𝙨𝙩𝙖𝙗𝙚𝙡𝙚𝙨𝙞𝙢𝙚𝙣𝙩𝙪 𝙀𝙣𝙨𝙞𝙣𝙪 𝙎𝙪𝙥𝙚𝙧𝙞ó𝙧” 𝙝𝙖𝙣𝙚𝙨𝙖𝙣 𝙥𝙖𝙙𝙧𝙖𝙪𝙣 𝙞𝙙𝙖 𝙗𝙖 𝙀𝙨𝙩𝙖𝙗𝙚𝙡𝙚𝙨𝙞𝙢𝙚𝙣𝙩𝙪 𝙨𝙞𝙧𝙖 𝙄𝙣𝙨𝙩𝙞𝙩𝙪𝙞𝙨𝙖𝙪𝙣 𝙀𝙣𝙨𝙞𝙣𝙪 𝙎𝙪𝙥é𝙧𝙞𝙤𝙧 𝙞𝙝𝙖 𝙏𝙞𝙢𝙤𝙧-𝙇𝙚𝙨𝙩𝙚 𝙣𝙞𝙖𝙣.

Konteúdu informasaun ba apresentasaun ne’e rasik, hanesan rezultadu husi observasaun ne’ebé mak ekipa sira rekolla iha terrenu, durante períudu realizasaun atividade monitorizasaun nian, iha instituisaun ensinu superiór sira ne’ebé mak refere iha Leten.

Aleindé ne’e, objetivu husi atividade ida-ne’e, atu sai mós hanesan meius ida hodi halo diálogu ho Instituisaun Ensinu Superiór sira, hodi bele hamutuk atu kontribui ba melloramentu Sistema Ensinu Superiór iha Timor-Leste, no bele reforsa no hasae liu tan kualidade IES sira iha Timor-Leste.

Atividade ne’e, hetan partisipasaun maximu husi Estrutura Instituisaun Ensinu Supérior sira nian no mos tékniku sira husi MESSK rasik.