July 21, 2024

πŒπ„π’π’πŠ 𝐒𝐄𝐋𝐄𝐁𝐑𝐀 π€πŠπŽπ‘πƒπ” π“π„πŠππˆπŠπ” π‡πŽ πŠπŽπŒπΓ‘πˆπ€ πƒπ€πˆπŠπ˜πŽ π”ππƒπ”π’π“π‘πˆπ€π‹ 𝐆𝐀𝐒 & π„ππ”πˆππŒπ„ππ“ ππ‘π”ππ„πˆ πƒπ€π‘π”π’π€π‹π€πŒ 𝐁𝐀 𝐀𝐑𝐄𝐀 πŠπ€ππ€π’πˆπ“π€π’π€π”π π‘π„πŠπ”π‘π’π” π”πŒπ€ππ”

DΓ­li, 21/05/2024: MinistΓ©riu Ensinu SupΓ©rior, SiΓ©nsia no Kultura, selebra akordu tekniku assinatura Memorandu de Entendimenu (MOU), iha salan MESSK, Colmera DΓ­li, ho kompaΓ±ia Daikyo Industrial Gas & Equipment husi Brunei Darussalam ba area bolso estudu ba Timor oan atu kontinua estudu iha Brunei.

Objetivu husi akordu ida ne’e, atu hodi foka ba iha area kapasitasaun rekursu umanu, liuhusi bolso de estudu ne’ebΓ© mak oferese ba Timor oan sira atu kontinua sira nia estudu , iha Nasaun Brunei Darusalam, liu-liu ba atu reforsa abilidade rekursu umanu Timor oan nian, iha area espesialidades sira tuir nessesidade ne’ebΓ© mak prooien no nessesita.

KompΓ±ia refere rasik antes ne’e, oferese ona bolso estudo ba ba Timor-Leste, ne’ebΓ© mak Loke liu husi Unidade Parseria no Kooperasaun – MESSK iha fulan hirak liu ba, hodi selesionadu ona bolseiru nain rua (2) liuhusi konkursu meritu programa Daikyo Industrial Gas & Equipment, Friendship Scholarship (Brunei Darussalam) 2024 nian, ne’ebΓ© mak sei kontinua sira nia estudu iha nivel Diploma III, iha Laksamana College of Business (LCB), ba area Hospitalidade nian, iha Brunei Darussalam

Iha Sesaun ida ne’e, ´´S. Exa. Ministru Ensinu SupΓ©rior, SiΓ©nsia no Kultura, hato’o agradece ba kompaΓ±ia Dayco ne’ebΓ© mak oferrese oportunidade bolso estudo ba Timor oan atu kontinua estudu iha area Turismu no hotelaria nian, no iha tempo hanesan mos informa MinistΓ©riu Hanoin ona atu planu ba iha futuru hakarak fortifika liu tan kooperasaun entre nasaun Timor-Leste ho Brunei nian, iha setor Ensinu SupΓ©rior nian“.

Acordo ne’e ofisialmente assina husi Diretora Jeral Ensinu SupΓ©rior no SiΓ©nsia, Sra. Maria Filomena Lay Guterres, ho kompaΓ±ia Daykio, ne’ebΓ© testemuΓ±a husi partisipantes sira hanesan, S. Exa. Ministru MESSK, Dr. JosΓ© HonΓ³rio, S. Exa. Embaixador Brunei Darrusalam, Delegasaun Daykio, Delgasaun husi MNEC, , no Entidades relevantes sira.

0Shares