March 3, 2024

𝐁𝐀𝐍𝐊𝐀𝐃𝐀 𝐋𝐈𝐌𝐀 𝐅Ó 𝐀𝐏𝐑𝐄𝐒𝐈𝐀𝐒𝐀𝐔𝐍 𝐇𝐎 𝐔𝐍𝐀𝐍𝐈𝐌𝐈𝐃𝐀𝐃𝐄 𝐁𝐀 𝐏𝐑𝐎𝐆𝐑𝐀𝐌𝐀 𝐆𝐎𝐕𝐄𝐑𝐍𝐔

DILI, 19 Jullu 2023- S. E. Ministru Edukasaun Superior, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, partisipa debate programa Governu, Loron Daruak iha Parlamentu Nasionál.

Iha plenária ne’e, Bankada lima, kompostu hosi Bankada Governu CNRT, PD no Bankada Opozisaun FRETILIN, KHUNTO no PLP, fó apresiasaun ho unanimidade ba programa Nonu Governu Konstitusionál nian.

Programa ne’ebé hetan ona apresiasaun ne’e kompostu husi área prinsipál neen (6) hanesan: Reafirmasaun Estadu Direitu Demokrátiku, Dezenvolvimentu Kapitál Sosiál, Dezenvolvimentu Infraestruturas, Dezenvolvimentu Ekonómiku, Konsolidasaun Governativa no Boa Governasaun, nune’e mós Kombate Korrupsaun.

Membru Governu hotu-hotu akompanña S. E. Primeiru Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦ã𝐨, iha aprezenta programa ne’e.

0Shares