𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐑𝐄𝐋𝐀𝐓Ó𝐑𝐈𝐔 𝐌𝐎𝐍𝐈𝐓𝐎𝐑𝐈𝐙𝐀𝐒𝐀𝐔𝐍 𝐁𝐀 𝐈𝐔𝐍𝐄, 𝐈𝐂𝐅𝐏 𝐄 𝐈𝐁𝐓𝐋

Díli, Segunda-Feira, 18/09/2023: Ekipa Diresaun-Jerál Ensinu Supérior no Siénsia, liuhusi Diresaun Nasional Ensinu Supérior Universitariu no Tékniku kontinua sorumutuk ho Instituisaun Ensinu Supérior Privadu Tolu (3), hodi halo aprezentasaun kona-ba relatóriu monitorizasaun ne’ebé mak realiza ona husi MESSK.

Sorumutuk ida-ne’e hala’o iha sala reuniaun MESSK, Colmera, Díli ho objetivu hodi aprezenta rezultadu husi Monitorizasaun ne’ebé mak antes ne’e, equipa sira husi MESSK hala’o tiha ona ba iha Instituisaun Ensinu Supérior tolu (3) ne’e, hanesan IUNE – Ermera, ICFP – Baucau, no IBTL – Manufahi. Reuniaun ne’e, aprezenta husi kada ekipa monitorizasaun ida-idak tuir kada Instituisaun Ensinu Supérior sira, no hetan partisipasaun husi representante sira no estrutura husi Instituisaun Ensinu Supérior tolu (3) nian.