by Ministério do Ensino Superior, Ciência e Cultura (MESCC) liu husi Unidade de Parceria e Cooperação (UPC) hakarak informa ba públiku katak Reinu Tailândia liu hosi nia ajensia Thailand International Cooperation Agency (TICA) koopera ho Univesidade/Instituisaun Ensinu Superior sira iha Tailandia, oferese vaga Bolsa Estudu nivel Mestradu liu husi programa Thailand International Postgraduate Programme(TIPP) for the year 2025, ho area prinsipál neen(6) mak hanesan tuir mai ne’e:
- Sufficiency Economy Philosophy (SEP) / FilosofiaEkonomiaSufisiente.
- Climate Change and Enviromental Issue /mudansa Klimatika no Problema Ambiental.
- Agriculture and Food Security / Agrikultura no Nutrisaun.
- Public Health / Saude Publiku
- Bio-Circular-Green Economy Model (BCG)/ Modelu Bio-Sirkular-Green Ekonomia.
- Sustainable Development Goals (SDGs) / Futuru Dezenvolvimentu Sustentavel.
Relasiona ho oferta ne’e hakarak konvida Timor oan hirak ne’ebé iha interese atu bele aplika ba vaga bolsa estudu refere no preferensia ba ajensia Governamental no Organizasaun relevantes sira hodi bele nomeia kandidatu tolu kada kursu, no aplikasaun hotu tenki submete ba TICA Liu husi Embaixada Reinu Tailandia.
KRITERIA ELIJIBILIDADE
- Tenki sidadaun Timorense.
- Tenki iha kondisaun saúde (mentál no fíziku) ne’ebé permite atu halo estudu iha rai li’ur, La ho kondisaun grávida spesifikamente ba kandidatu feto sira (komprova ho Atestadu Médiku)
- Domina Lian Inglês (Komprova ho sertifikadu TOEFL no IELTS)
- Idade másimu iha loron aplika mak 45 anos
- La iha rejistu ba kazu kriminál ka ezekusaun sivíl husi tribunál kontra kandidatu (Aneksu ho Bom Comportamento)
- Iha ona esperensia servisu ne’ebé relevansia ho área estudu disponivel
DOKUMENTU APLIKASAUN
- Tama iha link https://tica-thaigov.mfa.go.th ou https://tica-thaigov.mfa.go.th/en/page/75500-tipp-application-form?menu=605b13dbb6f1b76ed31778b3) Download no Print-out, e Priense kompletu Formulariu Aplikasaun
- Fotokópia pajina identifikasaun PassaporteRDTL validu no autentika orijinál husi Ministériu Justisa. (Passaporte nia validade mak posterior husi dia 1 Marsu 2025).
- Curiculum Vitae(CV), no referensia husi ema nain lotu(3) (ho lian inglez).
- Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizaduorijinál husi MESCCne’ebé hetan ona akreditasaun), ba kandidatu ne’ebé atu aplika nivel Mestradu.
- Fotokópia Sertifikadu kursu/ formasaun sira, liu-liu ba area ne’ebe presija.(koloridu)
- Karta rekomendasaun husi Ministeriu, Ajensia ou Organizasaun Governu nian. (ho lian Inglez)
- Fotokópia Buletim Rejistu Kriminál(Non-Criminal Record Report) iha lian Ingléz no autentika/notariadu orijinál husi Ministériu Justisa
- Fotokópia Sertidaun RDTL iha lian Inglez no autentika/notariadu orijinál husi Ministeriu Justisa.
- Fotokópia Kartaun Eleitorál no Billete Identidade aplikante nian. (koloridu).
- Fotokópia Diploma no Transkrisaun Akademika nivel lisensiatura, akompaña ho tradusaun iha lian Ingléz (tenki legalizadu orijinál husi MESCC).
SUBMISAUN DOKUMENTUS APLIKANTES:
- Presiza halo rejistu naran iha UPC-MESCC hodi konfirma aplikante ne’ebe mak priense kriteria elijibilidade hodi konkore vaga bolsa estudu refere.
- Bainhira kandidatu prense ona Formulariu aplikasaun ne’e, aneksa ho dokumentu hotu tau iha envelope A4 kor kafé. Dokumentu tenki tau ordenadu tuir númeru kritéria.
- Fatin ba Submete Documentus bele mai diretamente UPC-MESCC Avenida Marginal no. 4 Colmera – Dili, Timor-Leste, iha oras serbisu nian.
- Formuláriu aplikasaun no dokumentu kritériu sira ne’ebé submete ona, mak la kompletu, laiha karimbu ofisiál, la legaliza/la notariadu ka la autentika ka iha falsifikasaun ruma iha dokumentu, automatikamente sei diskualifika (ka invalidu).
- Data deadline ba submisaun dokumentus aplikasaun mak 30 Janeiru 2025.
BA INFORMASAUN KLARU LIU TAN HALO FAVOR BELE VISITA
- Website ofisiál https://tica-thaigov.mfa.go.th
- Email: tipp@mfa.go.th.
- Website MESCC https://mescc.gov.tl ka pájina facebook ofisiál MESCC nian no hare iha kuadru avisu ka bele vizita diretamente UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
Mak nee deit, Ba ita boot sira nia atensaun ami hato’o, obrigadu wain.
English