INSTITUTO POLITÉCNICO DE BETANO

Vizaun:

Bainhira nu’udar instituisaun ensinu superior públiku, IPB kompromete atu:

1. Forma no fó graduasaun ba estudante sira ne’ebé ho nível kualifikasaun elevadu, iha aspetu kulturál, sientífiku, artísitiku, tékniku no profisionál;

2. Hanorin ba formandu sira valór umanu ne’ebé kaer-metin ba konsiénsia nasionál katak sira servisu ba moris-di’ak sidadaun hotu nian;

3. Promove komprensaun, armonia no solidariedade entre kultura no povu sira.

Misaun

1. Institutu Politékniku Betanu nia misaun mak kria, halo difuzaun, promosaun no aplika siénsia, teknolojia no koñesimentu tékniku-sientífiku no matenek kona-ba natureza profisionál, liuhosi artikulasaun ba estudu, ensinu, investigasaun ne’ebé orientada no ba dezenvolvimentu esperimentál, ho objetivu atu apoia dezenvolvimentu sustentável País nian, no promove sosiedade ida ne’ebé justu liu, demokrátiku, hodi valoriza kultura esperiénsia sira akadémika nian.

2. IPB mós iha objetivu hirak seluk tan, hanesan tuirmai

• Promove ensinu ne’ebé ho kualidade aas tebes, liuhosi kursu no programa tékniku sira hodi kompete iha nível nasionál, rejionál no internasionál;

• Realiza estudu superiór ne’ebé espesializadu, ho objetivu atu atribui diploma sira tuir termu lei, hodi bele hatán ba nesesidade maundeobra espesializada no promove progresu tékniku-sientífiku esensiál ba dezenvovimentu sustentável País nian;

• Fomenta atividade ba investigasaun ho objetivu atu kontribui ba inovasaun, produsaun, transferénsia no valoriza koñesimentu sientífiku no teknolójiku;

• Promove atu interinstitusionál sira partisipasa maka’as liután, hodi integra-an iha kultura sientífika oioin ho objetivu atu kria kontribuisaun ida inovadora sira ba ensinu no investigasaun;

• Presta servisu ho kualidade, diversifikadu ba komuidade, atu bele kontribui di’akliu ba dezenvolvimentu sosiál no ba kualifikasaun rekursu umanu sira;

• Fomenta prezervasaun, dezenvolvimentu no artikulasaun ba entidade no valoriza timoroan sira, liu hosi promove ninia istória, kultura no lian sira;

• Kontribui atu dezenvolve kooperasaun internasionál no halo aprosimasaun entre povu sira, liuliu, iha domíniu edukasaun no iha domíniu koñesimentu, siénsia no teknolojia.

3. IPB dezenvolve nia misaun ne’ebé foka liu ba artikulasaun ho sosiedade, tuir perspetiva koezaun teritoriál no afirmasaun nasionál.

4. IPB valoriza prinsipíu sira igualdade no la halo deskriminasaun, hodi asegura kondisaun sira ne’ebé presiza atu ema hotu-hotu be iha kapasidade hetan oportunidade hanesan hodi asesu no iha susesu eskolár, la haree, liuliu ba ninia jénéru, mane ka feto, ninia kondisaun fízika, sosiál no ekonomia.

5. IPB no ninia unidade orgánika sira regula tuir, ninia jestaun no administrasaun, prinsípiu demokratisidade no partisipasaun hosi pesoál dosente no investigasaun, pesoál ne’ebé la´ós dosente no estudante sira, fó liu prioridade ba livre espresaun pluralidade ba ideia no opiniaun sira hodi dada sira envolve-an iha atividade sira Institutu nian.

6. Atu konkretiza ninia objetivu sira, IPB bele selebra konvéniu, protokolu, kontratu sira no hala’o akordu ho instituisaun públika ka privada, nasionál, estranjeira ka internasionál.