Gleno, 13 Abril 2026: Ministériu Ensinu Superiór, Siénsia no Kultura (MESSK), liuhosi Diresaun Nasionál Rekursu Umanu (DNRH), hala’o diseminasaun kona-ba lejizlasaun funsaun públika no rejime kontributivu seguransa sosiál, ne’ebé diriji ba dosente no funsionáriu sira hosi Eskola Superiór Estudu no Investigasaun Kafé (ESEIC), iha Gleno, munisípiu Ermera.
Inisiativa ida-ne’e iha objetivu prinsipál atu hametin koñesimentu hosi dosente no funsionáriu sira kona-ba lei no regulamentu funsaun públika nian, hodi kontribui ba fortalesimentu sistema jestaun rekursu umanu iha sira-nia instituisaun. Programa ne’e inklui mos sosializasaun informasaun relevante kona-ba rejime kontributivu seguransa sosiál.
Sesaun abertura lidera husi Xefe Gabinete Ministru Ensinu Superiór, Siénsia no Kultura, Sr. José Boavida Simões, ne’ebé reprezenta S. Exa. Ministru.
Eventu ne’e hetan partisipasaun hosi Diretór ESEIC ho nia ekipa, dirijente sira MESSK nian, formadór sira, no mos funsionáriu no tékniku sira.
#MESSK
……………….
