ASESU INGRESU ba ESCOLA SUPERIOR DE CIÊNCIA E PESQUISA DE CAFÉ DE TIMOR-LESTEA ba tinan Akadémiku 2026.

Díli, 04 Fevereiru 2026: Ministériu Ensinu Superiór Siénsia no kultura (MESSK), liu husi Komisaun Asesu Ensinu Superiór (KAES) servisu hamutuk ho Escola Superior de Ciência e Pesquisa de Café de Timor-Leste (ESCPC), hahú simu estudante foun ba tinan Akadémiku 2026. Estudante ESG ba kursu Ciência e Técnologia (CT) no ESTV ba Kursu Produção Agrária, ba estudante sira ne’ebé remata ona sira nia estudu iha tinan 2022to’o 2025, bele ba registu iha ida-idak nia Munisipiu ne’ebé mak remata ba no hahú registu iha Loron 9 to’o 27 fulan Fevereiru tinan 2026.

Rekezitu no dokumentu ne’ebé presija mak hanesan tuir mai ne’e:

1. Kópia diploma tahan 1 no hatudu ho originál ne’ebé legaliza husi Ministériu da Edukasaun, ba estudante ne’ebé mak remata iha tinan 2025 bele lori rezultadu admitidu no hatudu valór finál husi exame nasional.
2. Kópia Kartaun Eleitorál ka BI tahan 1 no hatudu ho originál.
3. Kópia Sertidaun RDTL tahan 1 no hatudu ho originál.
4. Foto koloridu ho medida 3 x 4 (tahan 4).

Estudante ne’ebé hasai kursu husi área:

1. Ensinu Sekundáriu Jerál Ciências Teknolojia (CT) – lori map kór Azul, Valór finál minimu ba rejistu 42
2. Ensinu Sekundáriu Tékniku Vokasionál (ESTV) – Produção Agrária – lori map kór Matak, Valór finál minimu ba rejistu 6

Importante:

1. Kandidatu estudante hotu tenke ba halo inskrisaun iha munísipiu ne’ebé nia remata eskola sekundariu ba.
2. Sei la atende ba kandidatu ne’ebé hakarak halo inskrisaun la tuir munisípiu ne’ebé sira remata eskola sekundáriu ba.
3. Estudante tenke remata eskola ESG no ESTV hahu husi tinan 2022 to’o 2025.

To’o iha ne’e deit, ba ita nia atensaun tomak ami hato’o Obrigadu wain.