by Ministério do Ensino Superior, Ciência e Cultura (MESCC), liu hosi Unidade de Parceria e Cooperação (UPC) informa ba públiku katak Universiti Sains Malaysia (USM) liu hosi programa “USMCARE Scholarship Programme and Strategic Partnership 2026” oferese Bolsu Estudu Parsial ba Timor oan nain rua (2) hodi kontinua estudu ba iha nível Doutoramentu, iha universidade refere.
- Bolsa Estudu ne’e kobre de’it Propinas. ( max. Tinan 3 ba P.hD ).
- Despeza moris nian, pasajen aviaun nian, no akomodasaun maka responsabilidade hosi kandidatu sira rasik.
KRITERIA ELIJIBILIDADE
- Tenki sidadaun Timorense
- Tenki iha kondisaun saude (mentál no fíziku) ne’ebé permite atu halo estudu iha rai liur.
- Tenki iha maturidade no kapasidade atu halo moris independente iha rai liur
- La iha rejistu ba kazu kriminál ka ezekusaun sivil husi tribunál kontra kandidatu
- Tenki idade 40 mai kraik, no remata ona mestradu.
PROSESU KANDIDATURA
Kandidatu sira presiza submete dokumentu sira tuir mai:
- Kópia dokumentu identidade kandidatu nian ne’ebé válidu (Passaporte RDTL no Bilhete Identidade), ne’ebé hetan autentikasaun hosi Diresaun Notariadu, Ministériu Justisa; (Kolóridu)
- Kópia Sertidaun Nasinimentu RDTL (versaun Inglés), ne’ebé hetan autentikasaun hosi Direksaun Notariadu, Ministériu Justisa; (kolóridu)
- Kópia diploma no transkrisaun akademiku ne’ebé legaliza hosi Ministériu Ensinu Superiór, Siénsia no Kultura (MESCC);
- Kópia boletin rejistu kriminal (versaun Inglés), ne’ebé hetan autentikasaun hosi Diresaun Notariadu, Ministériu Justisa;
- Kópia sertifikadu kursu lian Inglés TOEFL ho pontuasaun mínimu 85 (IBT) ka IELTS (Academic) ho pontuasaun mínimu 6.0. ( ida ne’ebe sei validu )
- Bolsa Doutoramentu destina ba kandidatu ida ne’cbe iha kualifikasaun Doutoramentu (Ph.D) iha área hanesan Politika Públiku, Enjeñaria, Saude Públika no Edukasaun;
- Iha karta motivasaun detalhada ida (máximu pájina rua) iha lian Inglés, ne’ebé suporta ho karta rekomendasaun rua hosi área akadémika no profisionál;
- Curriculum Vitae (CV) iha lian Inglés.
- Planu projetu de Peskiza ba nível estudu Doutoramentu.
- Fotokópia Foreign Physical Examination Form ne’ebé taka ho fotográfia koloridu ho medida 3×4 fundu mutin; formuláriu ne’e tenke assinadu no tau karimbu ofisiál husi doutór/mediku husi HNGV.
Nota katak:
- Bainhira atu submete aplikasaun, tenke hatudu orijinál Foreign Physical Examination Form ba UPC-MESCC no aplikante tenke rai nia orijinál no submete ba Embaixada bainhira liu ona selesaun faze primeiru.
- Foreign Physical Examination Form tenke aneksa ho Atestadu Mediku no rezultadu analiza ka teste saúde kompletu (Chest X-ray report, ECC, test report of AIDS, Syphilis, Hepatitis) husi HNGV ne’ebé validu fulan 6 ba oin.
- Fotográfia 3×4 koloridu ne’ebé taka iha Foreign Physical Examination Form (pajina 1) tenke tau karimbu orijinál HNGV. Tenke iha mos asinatura no karimbu ofisiál husi HNGV (pajina 2). Bainhira laiha karimbu orijinal husi HNGV mak dokumentu konsidera invalidu.
KALENDÁRIU BA KANDIDATURA NIAN
- 16 Janeiru 2016 : Públikasaun vaga bolsa estudu Doutoramentu
- 27 Janeiru 2026 : Loron ikus ba Submisaun dokumentu físiku iha UPC-MESCC.
- 29 Janeiru 2026 : Anúnsia rezultadu seleksaun dokumentu hosi UPC-MESCC.
NB: “Ba Aplikante Sira Ne’ebé Iha área Munisipiu Bele Mos Submete Dokumentu hotu liu hosi E-mail sira hanesan: Zitodcosta@gmail.com No benignosoares43@gmail.com
ATU HATENE INFORMASAUN KLARU BELE VIZITA:
- Website MESCC https://mescc.gov.tl
- pájina facebook ofisiál MESCC nian
- bele mai diretamente iha UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
Mak ne’e deit, ba ita bo’ot nia atensaun ami hato’o Obrigadu wain,!
Dokumentu ofisiál ba Publikasaun:
https://mescc.gov.tl/wp-content/uploads/2026/01/Bolsa-Estudu-Pasial-USM-2026.pdf
English 
Portuguese