EZAME BA ASESU ENSINU SUPERIÓR PÚBLIKU (UNTL & IPB)

ANÚNSIU PÚBLIKU

Ministériu Ensinu Superiór, Siénsia no Kultura liu husi Komisaun Asesu Ensinu Superiór Públiku tinan akadémiku 2026 servisu hamutuk ho Universidade Nasionál Timor Lorosa’e (UNTL) no Institutu Politékniku Betano (IPB), ne’ebé sei realiza ezame ba Asesu Ensinu Superiór Públiku ba Rejime espesial ho nia sub rejime mak hanesan:

1. Oportunidade
2. Hakbi’it,
3. Osn hosi Veteranu sira,
4. Sidadaun Timor oan ne’ebé remata Ensinu Sekundáriu iha rai-liur,
5. Sidadaun estranjeiru neʼebé remata tiha ona Ensinu Sekundáriu no
6. Kandidatu ho idade 23 ba leten.

Loron no fatin atu realiza ezame asesu ba UNTL no IPB mak hanesan tuir mai:

• Loron 02 fulan Dezembru tinan 2025 ba Área Ciências e Tecnologias (CT);
• Loron 03 fulan Dezembru tinan 2025 ba Área Ciências Sociais e Humanidades (CSH);
• Loron 04 fulan Dezembru tinan 2025 ba Ensinu Sekundáriu Tékniku-Vokasionál;

Fatin ezame sei hala’o iha Servisu Edukasaun Munisipal ida-idak, inklui rejiaun RAEOA no Ataúro no munisipíu Dili hala’o iha UNTL, Fakuldade Ekonomia no Jestaun.

Rekezitu no dokumentu ba kandidatu sira ne’ebé atu lori tuir ezame asesu ba UNTL no

IPB mak hanesan tuir mai:

• Kartaun rejistu ba asesu ensinu superiór públiku (UNTL no IPB) tinan 2025;
• Lapis ho marka 2B; no Apagadór.

NB:

1. Ba kandidatu sira ne’ebé la lori kartaun rejistu asessu UNTL no IPB sei la autoriza hodi tuir ezame;
2. Informasaun klaru bele kontaktu husi númeru telefone 78592672, 77948672, 77945414
   

Dokumentu anúsiu ofisiál, Ezame Asesu IES Públiku, MESSK 2025.

https://mescc.gov.tl/wp-content/uploads/2025/11/Ezame-Asesu-IES-Publiku-anunsiu-ofisial-MESSK-2025.pdf