by 
Dili, 03-06-2025: Ministru Ensinu Superior, Siénsia no Kultura (MESSK), S.E. Dr. José Honório, akompaña husi D.J. Ensinu Superior no Siénsia, Sra. Filomena Lay Gutrerres, ho Ekipa, simu vizita delegasaun mai husi Unversitas Negeri Yogyakarta (UNY) – Indonesia ne’ebé lidera husi Prof. Dr. Guntur Mpd, ne’ebé akompaña husi Adidu Edukasaun Indonésia ba Timor-Leste.
Objetivu husi sorumutu ida ne’e atu ko’alia no diskuti kona-ba kooperasaun iha area edukasaun ninian. Delegasaun husi UNY hato’o sira-nia proposta no programa kona-ba bolsu estudu ba estudante timoroan sira iha nivél mestradu no doutoramentu iha área estudu edukasaun no desportu.
Liu husi sorumutuk ne’e parte rua mos diskuti kona-ba oinsa atu halo Akordu Tékniku ”Technical Agreement” hodi asina Memorandu Entendimentu ba kooperasaun iha area Ensinu Superior nian. Ho nune’e, S.E. Ministru Ensinu Superior, Dr. José Honório salienta katak liu husi sorumutuk ida ne’e bele hametin liu tan relasaun serbisu ne’ebé diak, no hatete katak Ministériu Ensinu Superiór, Siénsia no Kultura sei prepara mekanizmu ida diak atu bele haruka estudante timoroan sira ba kontinua estudu iha UNY iha área edukasaun no desportu nian.
#media_urp-messk
English 
Portuguese