by 
Díli, 05/11/2024: Ministériu Ensinu Superiór, Siénsia no Kultura, ho Gabinete Palasiu Prezidente Republika, realiza atividade serimónia entrega premio manan nain ba kompetisaun ´´Diskursu Publiku & Olimpiade Koñesimentu“, ne’ebé mak realiza iha loron hirak liu ba, hanesan continuidade husi programa SCI-TECH EXPO 2024, hodi promove turismo no sustentabilidade iha Siénsia, Teknolojia no Invosaun nian, ne’ebé mak realiza iha, Salão China, Palasiu Prezidente Aitarak Laran Díli.
Entrega premio ne’e hanesan, atividade ikus husi SCI-TECH EXPO 2024 nian, ne’ebé mak realiza hahu kedas iha fulan agosto 2024 hodi engloba atividade oi-oin hanesan, konferensia Internasional ne’ebé mak konvida palestrante internasional sira ne’ebé premiadu iha area Siénsia, Teknolojia no Inovasaun nian, Atividade Expozisaun ba áreas hanesan, no ikus termina ho atividade ba Diskursu Publiku no Olimpiade Koñesimentu.
Iha serimónia ofisial ne’e, S. Exa. Vise-Primeiro Ministru, Eng. Mariano Assanami Sabino, hanesan prezidente ba komisaun ne’ebé mak afirma kona-ba kooperasaun goovernu nian hamutuk ho Prezidente Republika, ne’ebé mak durante periodu tinan 2024, realiza ona atividade lubuk ida hodi kontribui ba promosaun Turizmo iha Timor-Leste, ne’ebé mak demostra husi ezekusaun atividades oi-oin, hanesan SCI-TECH, to’o iha festival Kultura Rabilau no mos atividade sira seluk, ne’ebé mak engloba diversus Liñas Ministerial sira to iha Instituisaun autónomas governu nian hotu.
Total manan nain ba iha konkursu rua ne’e, hamutuk nain 10 ba iha modalidade kompetisaun 2 refere, no nia naran manan nain hanesan tuir mai ne’e: Manan nain ba kompetisaun Discursu Publiku, 1º Dílison Morux (ISFIT), 2º Flacio Soares (ISFIT), 3º Trifónio Martins (IOB), 4º Marcela Leite (ISJB) no 5º Pio de Jesus (UNTL). Ba modalidade Olimpiade Koñesimentu, 1º Celina Frankslin (UNTL), 2º Deonísio Pinto (UCT), 3º Aveeli Oliveira (JSI), Juvência Pereira (UNTL), no 5º Delfina Martins (UNITAL).
Portanto, S. Exa. Prezidente Republika Dr. José Ramos Horta, iha nia Diksursu, afirma kona-ba nia Inisiativa ba importansia husi promosaun Turismu rasik, ne’ebé mak bele fo impaktu barak ba iha sosiedade Timor-Leste sira, no husu estudante sira atu bele estuda no investe makas ba iha area Siénsia, teknolojia no Inovasaun. Prezidente mos, motiva partisipantes sira hotu ho referensias internasional sira, ligadu ho area sira hanesan Siénsia no teknolojia, to iha importansia hosi promosaun turismo rasik, liu-liu iha dimensaun ida ne’ebé mak bele lori Imagem Timor-Leste nian, sai uniku iha mundo no mos bele kontrubi ba iha kresimentu ekonomiku, liu-liu restornus ne’ebé bele hetan husi atividade turismo rasik.
Hola parte iha sesaun ofisial ne’e, hamutuk ho partisipantes sira seluk, hanesan Diretora Jeral Ensinu Superior no Siénsia, Sra. Maria Filomena Lay Guterres, ne’ebé mak hanesan dirijente ba programa refere hodi inisia atividade ne’e aprezentasaun relatório ezekusaun. Partisipa mos husi, Diretor Ezekutivus sira, Xefe Kasa Sivil Prezidente Republika, reprezentantes husi IES no Estudantes sira, no mos partisipantes husi Instituisaun Relevantes sira.
