by 
Laga, 28/11/2024: Diretor Jeral Planeamentu no Finansa MESSK, Sr. Hernâni Viterbo da Costa Soares, akompañadu husi Administrador Posto Laga, Sr. João Freitas de Castro, lidera serimónia Isar bandeira nasional ba selebrasuan loron nasional proklamasaun Independinsia RDTL ba dala 49, iha Suku Soba, Posto administrativo Laga, Munisipiu Baucao.
Iha sesaun serimónia ofisial ida ne’e, Diretor Jeral Planeamentu Finansas iha nia reprezentasuan hanesan inspetor serimónia, halo leitura ba diskursu ofisial S. Exa. Presidente Repúblika nian ne’ebé mak, hodi fo mensagem honoradu ba iha loron espesial ida ne’e ba povo Timor-Leste. Portanto, iha diskursu S. Exa. Presidente Republika Dr. José Ramos Horta nian, ba iha loron nasional ida ne’e, mak prefere kona-ba assuntos importantes sira husi rekonsiliasaun, to iha assuntu geo politika ne’ebé mak iha nia impaktu ba dezenvolvimentu nasional nian no bem estar povo nian. Iha diksursu ne’e mos, afirma kona-ba pozisaun Timor-Leste nian ba ASEAN, inklui mos afirma dezenvolvimentu Timor-Leste nian ba iha Mundu internasional ligadu ho prezensa diplomasia ne’ebé mak iha, durante mandato S. Exa. Prezidente nian. Importansia seluk ne’ebé S. Exa. Prezidente sublinha iha nia diskursu mos, kona-ba istoria Timor nian, to iha iha liberdade atual, atu nune’e jerasaun foun sira bele banati tuir, no lebra hodi tau hanesan motivasaun ida, atu kontinua investe jerasaun foun sira nia na, dezenvolvimentu Futuru Nasaun Timor-Leste nian.
Atividade selebrasaun loron nasional ne’e, engloba atividade oi-oin, ne’ebé mak Inisia kedas husi loron 27 Novembro, ne’ebé inisia ho atividade hanesan, Missa homenagem ba heroi sira, karik aifunan iha semiteriu jardim do Herois sira nian, no iha loron 28 Novembru rasik, alem de serimónia solene, inlklui mos diversus atividades ne’ebé mak hodi harame loron refere, hanesa, atividade desporto, kompetisaun no mos atividade sira seluk, ne’ebé mak inklui iha agenda rasik.
Selebrasaun iha Suku soba ne’e, hetan partisipasaun maximu husi, Komunidade lokal sira, inklui, autoridade lokal, Veteranos sira, reprezentantes husi Ministériu Ensinu Superior rasik, reprezentantes husi Instituisaun sira hanesan, Seguransa, Sosial no mos reprezentantes husi Instituisaun sira seluk, ne’ebé mak engloba no kontribui ona ba iha susesu atividade refere nian.
