by 
Dokumentasaun atividade Dezeminasaun Assesu Ingressu ba instituisaun Ensinu Superiór Públiku UNTL no IPB, iha Munisipiu 11 kompostu husi, Manatuto, Baucau, Viqueque, Lautem, Covalima, Ainaro, Likisa, Ermera, Bobonaro, no RAEOA, ne’ebé mak realiza hahu husi loron 17 to’o 19 fulan Setembru 2024 iha Munisipiu sira ne’ebé mak refere iha leten.
Atividade refere, equiparada ho atividade ne’ebé mak antes ne’e ekipa KAES realiza iha Munisipiu Aileu, Atauro no Manufahi, hodi dezemina diploma Ministérial N.º54/2024, 25 Jullu, ´´Assesu ba Ensinu Superiór Públiku Tinan 2025“, ba iha Autoridade Lokal, Diretor Eskola Sekundariu, Veteranos no mos entidades relevantes sira, kona-ba prossesu no procedimento rekrutamentu ba estudante foun sira atu assesu ba iha Instituisaun Ensinu Superiór Públiku UNTL no IPB ba tinan akademiku 2025 nian.
Iha tempo besik ekipa Komisaun sei desloka ba iha Munisipiu sira hotu inklui mos RAEOA, hodi halo inksrisaun ba kandidatu sira ne’ebé mak atu inskreve hodi assesu ba iha Instituisaun Ensinu Superiór Públiku UNTL no IPB tuir sub rejime balun ne’ebé mak existe iha rejime espesial. Ba rejime jeral fali, sei realiza inksirsaun no prenximento boletim direta husi estudante finalista sira, hafoin sira simu ona rezultadu exame nasional.
Portantu, tuir kalendariu atividade ne’ebé mak existe husi Diresaun Jeral Ensinu Superiór no Siénsia, Ministériu nian, atividade dezeminasaun ikus ba iha Munisipiu sira, termina iha Munisipiu Díli, ne’ebé mak realiza iha loron 25 Setembru 2024, iha edukasaun Munisipiu Díli nian.
