by 
Same, 19/09/2024: Ekipa Komisaun Assesu ba Ensinu Superiór (CAES – Sigla Portugés), ne’ebé liderado husi Diretor Nasional Legalizasaun (DNL – MESSK), Sr. Sergio de Deus, kontinua realiza atividade Dezeminasaun ba ´´Assesu Ingressu Instituisaun Ensinu Superiór Públiku tinan akademiku 2025“, iha Salaun, STAE Same, Munisipiu Manufahi.
Atividade dezeminasaun refere, hanesan kontinuasaun husi atividade dezeminasaun ne’ebé mak antes ne’e ekipa realiza ona iha Munisipiu Aileu, no munisipiu sira seluk iha loron hirak liu ba, ne’ebé mak ho nia objetivu atu hodi dezemina diploma Ministérial N.º54/2024, 25 Jullu, ´´Assesu ba Ensinu Superiór Públiku Tinan 2025“, ba iha Autoridade Lokal, Diretor Eskola Sekundariu, Veteranos no mos entidades relevantes sira, hodi kumprende didiak kona-ba prossesu no lalaok rekrutamentu ba estudante foun sira ne’ebé hakarak atu assesu ba iha UNTL no IPB ba tinan akademiku 2025 nian.
Portanto, matéria sira ne’ebé mak inklui iha sesaun dezeminasaun refere maka, dezemina kona-ba, diploma Ministérial N.º54/2024, 25 Jullu, ´´Assesu ba Ensinu Superiór Públiku Tinan 2025“, hodi kolia kona-ba processo nia nia prosedimentus sira, inklui aprezentasaun ofertas informativas kona-ba UNTL no IPB, ne’ebé mak aprezenta husi Reprezentante husi Intituisaun Ensinu Superiór rua (2) refere nain.
Hola parte iha sesaun ida ne’e, Sr. Luis Marçal da Costa Tavares, Vise-Reitor Assuntu Administrasaun, Finansas no Administrador-Geral, Prof. Helio Augusto, representante husi Presidente Autoridade Munisipiu Manufahi, Edukasaun Munisipiu, representante husi IPB, Veteranus, Autoridade lokal sira, Diretor Eskola sekundariu sira, no entidades relevantes sira seluk.
