S.E.DR. JOSÉ HONÓRIO PARTICIPA SERIMÓNIA DESPEDIDA BOLSEIRUS BOLSA MÉRITU NAIN 92

Dilí,13 Setembru 2024- Ministru Ensinu Superior, Siénsia no Kultura partisipa Iha Serimónia Despedida Bolseirus Programa Bolsa Meritu Tinan 2024 nian, iha salaun Delta Nova.

Programa ida ne’e mai husi Programa Governu Dasia liu husi Ministeriu Planeamentu no Investimentu Estratéjiku ho Fundo Dezenvolvimentu Kapital Umanu hodi Programa Bolsa Meritu ba ema nain 92 hodi ba kontinua sira-nia Estudu iha Nasaun lima mak hanesan :

– Portugal ema hamutuk 21, ne’ebé fahe 4 ba nivel Estudu Doutoramentu no 17 ba Mestradu.

– Brazil ema hamutuk 14, ne’ebé sei kontinua estudus iha nivel Mestradu.

– Indonesia ema hamutuk 16 ne’ebé sei kontinua estudus iha nivel Lisensiatura.

– Malázia ema hamutuk 31 ne’ebé fahe 13 ba nivel Mestradu no 18 ba Lisensiatura

– Tailándia ema hamutuk 10, ne’ebé sei kontinua estudus iha nivel mestradu.

Partsipa iha serimónia despedida ne’e, Ministru Planeamentu no Investimentu Estratéjiku no Prezidente Konsellu Administrasaun FDCH, Eng. Gastão Francisco de Sousa, Ministru Ensinu Superiór, Siénsia no Kultura, José Honório (Membru Permanente ba CA-FDCH), Ministru Justisa, Sérgio Hornai (Membru Permanente CA-FDCH), Ministru Petroleu no Rekursus Minerais, Francisco Monteiro (Membru permanente CA-FDCH) no Sekretariu Estadu Komunikasaun Sosiál, Expedito Dias Ximenes, Embaixador Malázia ba Timor-Leste, Embaixador Cuba ba Timor-Leste, Reprezentante Embaixadór Brazil ba Timor-Leste, reprezentante husi Embaixadór Indonesia ba Timor-Leste, Prezidente Komisaun Funsaun Públika no inan aman husi bolseiru sira.