DNES- MESKK HALO SORUMUTU  HO BOLSEIRU BA AREA AVIASAUN NIAN

Dili, 05/9/2024: Ministério Ensinu Superiór, Siénsia no Kultura, lihusi Diresaun Nasional Ensinu Superiór (DNES), halo sorumutu ho kandidatu Bolseiru Timor Oan nain 29, iha salaun MESSK, Colmera Díli, ne’ebé mak sei desloka ba iha nasaun Indonesia hodi kontinua sira nia estudu iha area avisaun nian.

Sorumutu ne’ebé mak liderado husi Diretor Nasional Ensinu Superiór, Sr. Higino Alves ne’e, hamutuk ho funsionárius no tékniku husi ANATL, I.P, ne’e, ho nia objetivu atu hodi fahe informasaun ligadu ho kriterius no prosedimentus sira ne’ebé mak vigora ba bolseiru sira, atu kumpri hodi bele suporta sira nia prossesu estudu iha diespora.

Bolseiru sira ne’e, passa ona selesaun meritu liuhusi konkursu publiku ne’ebé mak nia fundu finansiamentu mau Sekretariadu Tékniku – FDCH, no fasilita husi ANATL, I.P. Portanto, bolseiru sira ne’e, sei ba kontinua sira nia estudu iha iha area aviasaun nian, ne’ebé mak sei fahe ba iha Institutu Politekniku sira ba Aviasaun nian, iha Surabaya, Bali, no Jakarta Indonesia, ba nível estudu diploma 3.