SERIMÓNIA DESPEDIDA FORMADO BA FORMASAUN IGUALDADE JENERU (KONKURSU PROPOSTA “DALAN BA IGUALDADE”)

Díli, 23/08/2024: Diretor Jeral Planeamentu no Finansas – Internio, Sr. Droaldo F. Morais, realiza serimónia despedida ba formado sira ne’ebé mak atu ba partisipa iha formasaun kurtu tempu kona-ba ´´Atividade no Implementasaun Igualdade Jeneru iha Ensinu Superiór“, iha Universidade Warmadewa Indonesia.

Atividade ne’e, hanesan kontinuasaun husi kalendariu, konkursu proposta ´´Dalan ba Igualdade“, konkursu proposta plano no Atividade implementasaun Igualdade Jeneru, ne’ebé mak Ministériu loke iha fulan hirak liu ba, ho nia objetivu atu hodi Institutsionaliza assuntu jeneru ba iha Instituisaun Ensinu Superiór sira, liu husi Identifikasaun ba iha programa sira ne’ebé mak Instituisaun Ensinu Superiór sira realiza hodi promove igualdade jeneru, atu hodi bele oferese oportunidade ba responsável sira hodi bele hasae sira nia abilidade atu kontribui diak liu tan ba desenvolvimento efisiensia no efikasia husi sira nia programa sira ne’ebé mak sei implementa.

Sesaun serimónia ne’e, presente mos aprezentasaun proposta ne’ebé mak selesionado nudar vensedor iha Konkursu proposta ´´Dalan ba Igualdade“nian, ne’ebé mak aprezenta husi responsável ida-idak husi Instittuisaun Ensinu Superiór rua (2) hanesan: Universidade da Paz (Sr. Marito de Araujo) no Instituto Politekniku Betano (Sra. Frangelina Xavier).

Serimónia ne’e, termina ho atribuisaun sertifikadu apresesiasaun ba ekipa júri sira, no mos entrega dokumentus viajem no dokumentus sira seluk ba iha, formado sira ne’ebé mak sei ba partisipa iha formasaun kurtu tempu refere.

Portanto sesaun refere, ensera husi Inspetor Jeral ba Inspespesaun no Auditoria, Sr. Domingos Barros, no hetan partisipasaun husi, Diretor Jeral SEI, Presidente IPB, Vice Reitor UNPAZ, kargus dirijentes no téknikus sira husi MESSK no SEI.