by 
Dili, iha loron 16/08/2024 liu ba: S. Exa. Ministru Ensinu Superiór, Siénsia no Kultura, Dr. José Honório, iha ofisialmente loke Seminariu Nasional (SCI-TECH) Expo 2024, iha Salaun Nobre Ministériu Negosiu Estranjeiru no Kooperasaun (MNEC – Sigla Portugués). Seminiariu nasional refere hanesan, kontinuasaun husi Seminiariu Internasional loron 2, ne’ebé mak antes ne’e realiza uluk husi loron 14 no 15 Agostu 2024, ho prezensa partisipasaun husi orador Premiadus Internasional sira ne’ebé mak konvida husi S. Exa. Prezidente Republika Timor-Leste, Dr. José Ramos Horta.
Sesaun loron 3 ne’e, ho nia orador sira mai husi, Peskizador Nasional Timor Oan sira ne’ebé mak realiza ona peskiza ho sira nia inovasaun iha area estudu sientifika oi-oin, ho fundu finansiamentu husi Instituto Nasional Siénsia no Teknolojia (INCT). Portanto INCT rasik, atribui ona fundus ba peskiza sientifiku nian ba iha area espesialidade oi-oin ho total rezultadu peskiza hamutuk 54, husi tinan 2019 to’o 2024.
Portanto iha sesaun ida ne’e, orador kovidado ne’ebé mak halo aprzentasaun hamutuk nain 4, ne’ebé mak mai ho sira nia area peskiza ne’ebé la hanesan: rezultadu peskiza konaba area Agrikultura, Area Kimika kona-ba formalin ne’ebé mak uza iha ai-han ne’ebé mak espaalla iha sentru komersial sira ih arai alran no Rezultadu peskiza kona-ba Mekanizmu prevensaun Inundasaun nian.
Rezultadu peskiza sira ne’e sei sai hanesan, matadalan rekomendasaun ida ne’ebé mak sei oferese ba Governo Timor-Leste atu hodi, responde ba iha sustentabilidade necessidade Timor-Leste hanesan, ne’ebé mak hatur ona iha planu Estratejiku Dezenvolvimentu Nasional.
Hola Parte iha sesaun ida ne’e, Membro Governo sira, korpus diplomatikus sira, akademiku no estudantes sira husi Instituisaun Ensinu Superiór sira, veteranos no reprezentantes husi Instituisaun Relevantes sira.
