by 
DILI, 23 Jullu 2024: S. Exa. Ministru Ensinu Superior, Siénsia no Kultura, Dr. José Honório, Partesipa iha lansamentu kursu mestradu ne’ebe, ofisialmente lansa husi S. Exa. Primeiru-Ministru (PM), Kay Rala Xanana Gusmão akompaña husi Magnifiku Reitór UNTL, Prof. Dr. João Martins, iha salaun UNTL Caicoli, tersa (23/07/2024).
Primeiru-Ministru konsidera siénsia polítikas públikas importante tebes tanba presiza hamosu diskusaun no analiza krítiku atu forma timoroan ho kualidade iha futuru.
Iha Sesaun lansamentu ne’e, S. Exa. Primeiru Ministru hateten ´´UNTL nia misaun maka kria no forma futuru líderes Timor-Leste nian. Tanba kursu ida ne’ebé importante. Hotu-hotu esforsu atu forma jerasaun foun tambá ita-nia rain presiza tebes ema ne’ebé matenek hodi dezenvolve nasaun, kaer metih mehi erói sira nian“.
Aleinde ne’e, Xefe Governu mós admira no kontente tebes bainhira simu informasaun husi reitór katak, UNTL prodús ona timoroan 25.000-resin iha área oioin ne’ebé servisu ona iha instituisaun Estadu nian.
