𝐃𝐄𝐋𝐄𝐆𝐀𝐒𝐀𝐔𝐍 𝐌𝐄𝐒𝐒𝐊 𝐇𝐀𝐋𝐎 𝐒𝐎𝐑𝐔𝐌𝐔𝐓𝐔 𝐇𝐎 𝐈𝐓𝐁 𝐁𝐀𝐍𝐃𝐔𝐍𝐆

Bandung, 12 Juñu 2024: Delegasaun MESSK husi Timor-Leste, ne’ebé mak kompostu husi Koordenador Unidade Parseria no kooperasaun, Sr. Paulo Marian, Sra. Dalia Suzana, Sr. Helio Domingos no Sr. Joel Salsinha, akomñadu husi ekipa Gabinete Adidu Edukasaun iha Indonesia, halo sorumutu ho Institut Teknologi Bandung (ITB), iha Bandung Indonesia.

Objetivu husi sorumutu tekniku ida ne’e, atu hodi diskute kona-ba possibilidade ba kontinuidade kooperasaun servisu ne’ebé maka, sei reforsa entre Ministériu Ensinu Supérior, Siénsia no Kultura ho referente Instituisaun nian ba iha area, kapasitasuan rekursu umanu iha area engenãria no area peskas nian, no mos kontinuasaun apoiu servisu tekniku ba desenvolvimentu no estabelesimentu Instituto Politekniku Publiku Timor-Leste nian, ne’ebé mak planeadu ona tuir Plano estratejiku Dezenvolvimentu Nasional, sei kontinua implementa tan iha Tempu besik nia laran.

Portantu, ITB rasik antes ne’e iha ona kooperasaun ho Timor-Leste, liuhusi Ministériu Ensinu Supérior, Siénsia no Kultura, liu-liu ba iha apoio kooperasaun servisu ba dezenvolvimentu no estabelesimentu Intitutu Politekniku Betano no Lospalus ne’ebé mak tempu besik sei estabelese. Ho apoiu servisu hanesan Dezenvolvimentu desenho tekniku infraestrutura nian, assitensia tekniku ba implementasaun no estabelesimentu nian no mos servisu sira seluk ne’ebé mak foka ba iha area teknikus sira.

Iha sorumutu ne’e, diskuti mos kona-ba planu kapasitasaun rekursu umanu nian ne’ebé, maka Governu Timor-Leste, hakarak atu haruka Timor oan sira ba kontinua sira nia estudu iha referente Instituisaun ba area engeñaria nian.