by 
Díli, Sexta-Feira, 15/09/2023: Diretora-Jeral Ensinu Supérior no Siénsia, Sra. Maria Filomena Lay Guterres, hala’o sorumutuk ho avaliadór sira, kona-ba avaliasaun kursu foun husi Instituisaun Ensinu Superior sira Sormutuk ida-ne’e hala’o iha Salaun Reuniaun, MESSK Colmera, Díli, ho objetivu hodi diskuti kona-ba prosesu avaliasaun ba kursu foun sira ne’ebé submete proposta husi Instituisaun Ensinu Superior sira atu loke iha tinan akadémiku 2024 nian.
𝗣𝗿𝗼𝗽𝗼𝘀𝘁𝗮 𝗸𝘂𝗿𝘀𝘂 𝗳𝗼𝘂𝗻 𝘀𝗶𝗿𝗮 𝗻𝗲’𝗲𝗯é 𝗺𝗮𝗸 𝗮𝘁𝘂 𝗮𝘃𝗮𝗹𝗶𝗮, 𝗸𝗼𝗺𝗽𝗼𝘀𝘁𝘂 𝗵𝘂𝘀𝗶 𝗻í𝘃𝗲𝗹 𝗻𝗼 á𝗿𝗲𝗮𝘀 𝗼𝗶-𝗼𝗶𝗻, 𝗵𝗮𝗻𝗲𝘀𝗮𝗻 𝗸𝘂𝗿𝘀𝘂 𝗵𝘂𝘀𝗶 𝗻í𝘃𝗲𝗹 𝗟𝗶𝘀𝗲𝗻𝘀𝗶𝗮𝘁𝘂𝗿𝗮 𝘁𝗼ó 𝗶𝗵𝗮 𝗗𝗼𝘂𝘁𝗼𝗿𝗮𝗺𝗲𝗻𝘁𝗼.
Avaliadór sira ne’ebé mak halo avalisaun, mai husi Akadémiku no Profisionál sira, tuir áreas espesialidade ida-idak ne’ebé mak relevante ho áreas sira ne’ebé propoin ona atu avalia. Tuir planu ne’ebé estabelese, sei hala’o uluk avaliasaun ba dokumentus relevante sira, hafoin sei hala’o vizita ba iha fatin husi kada IES sira atu halo observasaun diretu ba kondisaun fatin no fasilidade sira, hodi bele prepara relatóriu, ne’ebé sei sai baze ba desizaun Ministériu kona-ba atribuisaun lisensa operasional ba kursu foun sira.
