by DILI, 12 Jullu 2023- S. E. Ministru Edukasaun Superior, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐉𝐞𝐫ó𝐧𝐢𝐦𝐨, partisipa Soru-mutuk Konsellu Ministru.Konsellu Ministrus aprova ona Programa Governu Konstitusional IX.
Programa ne’e sintetiza politikas públikas prinsipais ne’ebé atu adota durante Governu ninia mandatu. Objetivu mak atu hametin no otimiza setores governasaun nian no sira nia rekursu, hodi habadak dalan atu transforma vizaun Ajenda Dezenvolvimentu Sustentavel 2030 nian no Planu Estratéjiku Dezenvolvimentu 2011 – 2030 nian hodi sai realidade.
Konsellu Ministrus delibera ona mós aprezenta ba Parlamentu Nasionál Votu Konfiansa ida ba Governu, ne’ebé fundamenta husi kompromisu ne’ebé firme no determinadu Governu atu implementa ninia Programa, ho objetivu atu promove dezenvolvimentu, prosperidade no moris di’ak ba sidadaun timoroan.Programa ne’e kompoin husi área prinsipál neen, hanesan tuirmai: afirma filafali Estadu Direitu Demokratiku, dezenvolvimentu kapitál sosial, dezenvolvimentu infraestruturas, dezenvolvimentu ekonomia, konsolidasaun governativa no boa governasaun, no kombate hasoru korrupsaun.
REMATA
