by 
𝐃Í𝐋𝐈, 𝟏𝟖 𝐀𝐠𝐨𝐬𝐭𝐮 𝟐𝟎𝟐𝟑 – S. E. Ministru Ensinu Superiór, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, hetan vizita kortezia hosi Embaixadóra Kuba mai Timor-Leste, 𝐌𝐒𝐂. 𝐆𝐫𝐢𝐬𝐞𝐥 𝐀𝐥𝐢𝐧𝐚 𝐀𝐥𝐝𝐚𝐦𝐚 𝐈𝐧𝐧𝐢𝐬𝐬, iha edifísiu MESSK, Kolmera.
Iha vizita ne’e Embaixadóra kongratula Ministru no mós ko’alia kona-ba kooperasaun entre Governu Timor-Leste ho Kuba halo ona liuliu iha area edukasaun ensinu superiór liuhusi haruka estudante timoroan ne’ebé foti Medisina, Arte no mós kursu seluk iha Kuba. Nune’e Sra. Embaixadóra mós ko’alia kona-ba 𝙈𝙚𝙢𝙤𝙧𝙖𝙣𝙙𝙪𝙢 𝙤𝙛 𝙐𝙣𝙙𝙚𝙧𝙨𝙩𝙖𝙣𝙙𝙞𝙣𝙜 (𝙈𝙤𝙐), ne’ebé halo ho Sekretáriu Estadu Arte no Kultura iha Governu anterior nian.
Aleinde ida ne’e, Sra. Embaixadóra informa mós ba Ministru katak iha 2024, sei iha Konferénsia Internasionál Ensinu Superior ne’ebé sei hala’o iha Kuba. Governu Kuba, liuhusi nia embaixada iha Timor-Leste prontu atu fasilita bainhira Sr. Ministru prontu atu partisipa.Sr. Ministru Ensinu Superiór, Siénsia no Kultura agradese ba vizita ida ne’e, no mós ba Governu Kuba nia apoiu mai timor, liuliu iha Area Ensinu Superior hodi haruka estudante timoroan sira ba foti kursu medisina no kursu seluk tan no mós iha UNTL. Kona-ba Konferénsia Internasionál Ensinu Superior nian, Sr. Ministru sei haree lai depois mak fó resposta.
