by 
DILI, 11 Jullu 2023– S. E. Ministru Edukasaun Superiór, Siénsia no Kultura, 𝐃𝐫. 𝐉𝐨𝐬é 𝐇𝐨𝐧ó𝐫𝐢𝐨 𝐝𝐚 𝐂𝐨𝐬𝐭𝐚 𝐏𝐞𝐫𝐞𝐢𝐫𝐚 𝐉𝐞𝐫ó𝐧𝐢𝐦𝐨, halo abertura ba konferénsia sientíifika iha salaun konferénsia Sentru Nasionál Chega (CNC-Sigla Portugés), antigu Komarka Balide.
Iha ninia diskursu, Sr. Ministru hatete katak hakerek istória ne’e importante. Dala-barak hakerek no konta kona-ba ema boot sira de’it mais ki’ik oan sira ne’ebé vulneravél tebes iha situasaun sira luta ba libertasaun, dala-ruma ita haluha tiha.
Tamba ne’e, Sr. Ministru hanoin inisiativa Chega nian ne’e importante. Hanesan Timoroan, ita tenke fó kontribuisaun para ita tau ita-nia istória loloos iha nia fatin.
Nune’e mós, Sr. Ministru, ohin ko’alia ho Diretór Ezekutivu CNC 𝐇𝐮𝐠𝐨 𝐌𝐚𝐫𝐢𝐚 𝐅𝐞𝐫𝐧𝐚𝐧𝐝𝐞𝐬 atu hatama iha kuríkulu hodi hanorin ita nia joven para sira bele hatene no hatur istória ho di’ak. Tau iha kuríkulu ne’e importante para Timoroan sira bele aprende sira nia istória rasik. Matenek oan sira tenke hakerek ita-nia istória.
𝐌é𝐝𝐢𝐚 𝐌𝐄𝐒𝐒𝐊
