by S. Exa. Ministru Ensinu Superiór, Siénsia no Kultura, Longuinhos dos Santos, hamutuk ho membru Governu balun kontinua akompaña S. Exa. Primeiru-Ministru Taur Matan Ruak hala’o diálogu ho Autoridade lokál no Komunitária sira iha Munisípiu Ainaro ho tema: “Reforsa Reziliénsia Nasaun Nian”.Xefi suku Manutasi Munisípiu Ainaro, Manuela da Silva Caldas hato’o agradesimentu ba Governu Konstitusional Daulauk (VIII) no apresia tebes ba programa Ministeriu Ensinu Superiór, Siénsia no Kultura, liu husi Sekretária Estadu Arte no Kultura, ne’ebé mak fó-apoiu ona materiál kultura hanesan ekipamentu ba morador sira, múzika koremetan, grupu Kavalaria no apoia prezervasaun Uma-Lulik hodi promove materiál kultura nian.Iha oportunidade ne’e, Sua Exa. Ministru partilla programa esensiál husi MESSK mak hanesan investimentu rekursu umanu ba timor oan, hadi’ak kualidade iha institutuisaun Unversidade Públiku no Privadu sira ne’ebé akreditada ona, inklui prezerva no valoriza patrimóniu kulturál sira iha Timor-Leste laran tomak.Sua Exa. Ministru mós informa tan katak totál apoiu ba Uma-Lulik ho Grupu Kulturál iha tinan ida-ne’e, MESSK liu husi SEAK atribui ona ba Uma-Lulik ho kategoria konstrusaun, reabilitasaun no inagurasaun hamutuk 84 no apoiu ba grupu kulturál komunitária hamutuk 75, husi apoiu sira-ne’e, munisipiu Ainaru mak konsege hetan apoiu ba konstrusaun Uma-Lulik hamutuk 88 no grupu apoiu kulturál hamutuk 15. Ida ne’e signifika katak Munisípiu Ainaru mak konsege hetan apoiu barak liu, kompara ho munisipiu sira seluk. Diálogu ne’e hala’o iha salaun Parókial Ainaro vila, no hetan partisipsaun husi membru Governu, Administradór Munisípiu, Administradór Postu, Xefi Suku, Xefi Aldeia, reprezentante relijiozu, veteranu sira, grupu juventude no sosiedade sivíl.
