SORUMUTU DAHULUK KOMISAUN OPERASIONAL JDS NIAN PROSESU APLIKSASAUN BOLSA-ESTUDU FOIN HAHU’

Iha loron 22 Agostu 2024, organiza ona Sorumutu dahuluk Komisaun Operasionál dahuluk ba Projetu ba Bolsa-estudu Dezenvolvimentu Rekursu Umanu (JDS), hodi diskute prosedimentu aplikasaun no selesaun ba Programa JDS 2024 nian.

Membru sira OC nian konfirma katak aplikasaun ba JDS 2024 (programa Mestradu nian) sei hahú hosi 26 Agostu to’o 15 Novembru 2024.

Komisaun Operasionál JDS nian kompostu hosi reprezentante sira hosi organizasaun sira tuirmai:

-𝑆𝑟. 𝑃𝑜𝑙𝑖𝑐𝑎𝑟𝑝𝑜 𝐴𝑚𝑖𝑙𝑐𝑎𝑟 𝐵𝑜𝑎𝑣𝑖𝑑𝑎 (𝐾𝑜-𝑃𝑟𝑒𝑧𝑖𝑑𝑒𝑛𝑡𝑒), 𝐷𝑖𝑟𝑒𝑡𝑜́𝑟-𝐽𝑒𝑟𝑎́𝑙 𝐼𝑛𝑠𝑡𝑖𝑡𝑢𝑡𝑢 𝑁𝑎𝑠𝑖𝑜𝑛𝑎́𝑙 𝐴𝑑𝑚𝑖𝑛𝑖𝑠𝑡𝑟𝑎𝑠𝑎𝑢𝑛 𝑃𝑢́𝑏𝑙𝑖𝑘𝑎 (𝐼𝑁𝐴𝑃)

-𝐷𝑟. 𝑀𝑖𝑚𝑝𝑒𝑖 𝐼𝑡𝑜 (𝐾𝑜-𝑃𝑟𝑒𝑧𝑖𝑑𝑒𝑛𝑡𝑒), 𝑋𝑒𝑓𝑒 𝑅𝑒𝑝𝑟𝑒𝑧𝑒𝑛𝑡𝑎𝑛𝑡𝑒 𝐽𝐼𝐶𝐴

-𝐸𝑚𝑏𝑎𝑖𝑥𝑎𝑑𝑎 𝐽𝑎𝑝𝑎𝑢𝑛 𝑛𝑖𝑎𝑛

-𝐾𝑜𝑚𝑖𝑠𝑎𝑢𝑛 𝐹𝑢𝑛𝑠𝑎𝑢𝑛 𝑃𝑢́𝑏𝑙𝑖𝑘𝑎 (𝐶𝑆𝐶)

-𝑀𝑖𝑛𝑖𝑠𝑡𝑒́𝑟𝑖𝑢 𝐸𝑛𝑠𝑖𝑛𝑢 𝑆𝑢𝑝𝑒𝑟𝑖𝑜́𝑟, 𝑆𝑖𝑒́𝑛𝑠𝑖𝑎 𝑛𝑜 𝐾𝑢𝑙𝑡𝑢𝑟𝑎 (𝑀𝐸𝑆𝐶𝐶)

-𝐹𝑢𝑛𝑑𝑢 𝐾𝑎𝑝𝑖𝑡𝑎́𝑙 𝐷𝑒𝑧𝑒𝑛𝑣𝑜𝑙𝑣𝑖𝑚𝑒𝑛𝑡𝑢 𝑈𝑚𝑎𝑛𝑢 (𝐹𝐷𝐶𝐹)

-𝑀𝑖𝑛𝑖𝑠𝑡𝑒́𝑟𝑖𝑢 𝑁𝑒𝑔𝑜́𝑠𝑖𝑢 𝐸𝑠𝑡𝑟𝑎𝑛𝑗𝑒𝑖𝑟𝑢 𝑛𝑜 𝐾𝑜𝑜𝑝𝑒𝑟𝑎𝑠𝑎𝑢𝑛 (𝑀𝑁𝐸𝐶)

Objetivu husi programa JDS ne’e atu fó oportunidade bolsa-estudu ba funsionáriu públiku Timor-Leste nian hodi hala’o estudu graduadu, inklui PhD iha Japaun. Área sira estudu nian inklui hadi’a administrasaun públika no sistema legál; hadi’a prestasaun servisu públiku; polítika industriál; no promosaun polítika ambientál no jestaun rekursu naturál sira.

Liuhusi programa bolsa-estudu JDS, funsionáriu públiku timoroan hamutuk na’in 44 mak hetan ona apoiu bolsu estudu dezde inaugurasaun JDS iha tinan 2018 iha Timor-Leste. 22 hosi sira fila ona ho sira nia mestradu hosi universidade Japaun nian, ne’ebé agora daudaun apoia formulasaun polítika no prestasaun servisu públiku nian.