April 15, 2024

S. EXA. MINISTRU MESSK PARTISIPA IHA SERIMÓNIA SELEBRASAUN LORON ANIVERSÁRIU IPB BA DALA VII

Betano, 23 Fevereiru 2023: S. Exa. Ministru Ensinu Supérior, Siénsia no Kultura, Dr. José Honório, partisipa iha serimónia selebrasaun Dies Natalis husi Institutu Politékniku Betanu nian ba dala VII, ne’ebé mak realiza iha Salaun Multiuzu IPB-Betano.

S. Exa. Ministru iha nia diskursu felisita ezisténsia IPB nian durante tinan hitu ho progressu ne’ebé diak liu husi mudansa ne’ebé mak iha. Aleinde ne’e S. Exa. Ministru mos informa kona-ba proposta Lei Baze Ensinu Supérior ne’ebé mak hetan ona aprovasaun iha Konsellu Ministrus, atu nune’e IPB bele hasae mos grau akadémiku hanesna Baxarelatu no Lisensiatura.

Iha sesaun atividade ida ne’e, S. Exa. Ministru hamutuk ho partisipante sira hala’o vizita ba iha ofisina prátika IPB nian hodi hare rezultadu no kondisaun prátika husi kada área, no halo mos vizita hodi observa progresu servisu ba konstrusaun Edifisiu Foun IPB-Betano.

Atividade ida-ne’e hetan partisipasaun husi S. Exa. Sekretáriu Estadu Dezenvolvimentu Lokál, Reprezentante Komisaun Funsaun Públika, Reprezentante husi Veteranus, Estrutura no Estudante sira husi IPB, inklui mos partisipantes husi Instituisaun relevante sira.

#Média_MESSK

0Shares