by 
Díli, 14/11/2024: S. Exa. Ministru Ensino Superior, Ciência no Cultura (MESCC), akompaña husi Koordenadór (CUIS – Sigla Portugés) no tékniku, simu audiénsia ho delegação husi Universidade do Minho, Portugal, iha sala reuniaun Gabinete Ministru, hodi diskuti kona-ba futuru kooperasaun entre instituisaun rua nian iha área Ensino Superior.
Delegação Universidade do Minho ne’ebé lidera husi Magnífiku Reitor, Dr. Rui Vieira, hamutuk ho nia ekipa, nia objetivu mak atu diskuti kona-ba kooperasaun ne’ebé universidade sei estabelese ho Ministériu, liuhusi Komisaun Koordenadora Universidade no Institutu Superior (CUIS). Prioridade diskusaun mak área hanesan formação professores, ne’ebé atualmente CUIS rasik define no estabelese hela estratéjia koletiva hodi hasae kualidade setor Ensino Superior nian. Estratéjia refere inklui parceria ho Universidades no Instituições iha nível nasional no internasionál atu promove formação refere.
Importánsia husi eskola doutoral mak hodi eleva kualidade dosente no investigador sira nian, liuhusi área Ensino, Peskiza no Publikasaun. Nune’e, nesesita elevasaun ba kualidade dosente ne’ebé maioria iha nivel C (suficiente) atu bele asende ba nivel Muito Bom no Excelente.
Audiénsia refere mos akompaña husi membru CUIS, Dr. João Câncio Freitas, no Assesor Ezekutivu MESCC, Dr. Filipe Martins, hamutuk ho Vise-Reitor Universidade do Minho.
