by 
Díli, 26709/2024: S. Exa. Ministru Ensinu Superiór, Siénsia no Kultura, Dr. José Honório, partisipa iha Serimónia Solene Graduasaun IPB Betano ba dala 5, ne’ebé mak realiza iha Salaun Multiusu IPB Betano, iha Betano Manufahi.
Total graduadus ne’ebé mak gradua hamutu Ema 114 ne’ebé mak kompostu husi Mane 66 no Feto 46. Husi total refere hafahe ba iha faculdade rua (2), ne’ebé nain 57 graduadus husi Eskola Superior Agronomia no Zoteknika iha Kursu Produsaun Animal, no nain 57 sira seluk mai husi Eskola Superior Enjeñaria ho nia kursu espesialidade iha Konstrusaun Sivil.
Portanto, husi dadus rejistadu ne’ebé mak atualmente iha, total estudante iha IPB hamutuk 841, husi total jeral refere, estudante 412 mak hetan ona graduasaun. No total estudante sira ne’ebé mak atualmente ativo hela hamutuk nain 429.
Prezidente Insitutuo Politecnico Betano, Prof. Dr. Acacio Amaral Ph.D. iha nia diskursu hateten, tema ba graduasaun Da-V IPB nian maka “Husi kampu Mak fundasaun sira haforsa progresivu Sustentavel iha area agrikultura no enjiñaria“, tema refere relasiona ho pilar inportante iha Sidadun Humanu iha area Agrikultura ne’ebé fo moris no Han ba Mundu no enjiñaria ne’ebé hari’i Infrasturtura, iha ne’ebé pilar 2 ne’e tau hamutuk hodi halao Prosesu ba Dezenvolvimentu Sustentavel.
Iha sorin seluk, S. Exa. Ministru Ensinu Superiór, Siénsia no Kultura, Dr. José Honório,
iha nia Intervensaun hato’o ba Graduadus no Konvidadu Sira katak ´´iha Tinan oin mai (IPB) tenki Gradua ona Estudante Sira ho Grau Diploma 3, tamba durante ne’e S.E. Ministru ho Nia ekipa serbisu hodi halo Lei Ba Baze Ensino Superior, atu fo Asesu ba Instituisaun Ensinu Superior Sira ba iha Sira Nia Grau Diploma ninian. S.E.Ministru mos hato’o Nia Komprimisiu katak sekarik Instituisaun ne’e lao di’ak bele Hasae Sira Nia Grau husi Diploma 3, bele asesu ba iha Grau Lisensatura no Doutoramentu“.
S. Exa. Ministru mos afirma ba Graduadus no Inan aman Sira ´´husu atu Haruka oan Sira ba Eskola Tamba Edukasaun Mak pilar inportante, atu halo Dezenvolvimentu iha Ita nia Nasun ba Futuru“.
Atividade sira ne’ebé mak inklui iha ajenda kompostu husi, serimónia solene graduasaun ba finalista sira, Lansamentu Sistema Jestaun Rekursu Umanu no Repositoriu Dijital (IPB) no halao mos vizita ba iha fatin konstrusaun edifisiu foun IPB, hodi observa direta progressu ne’ebé mak atinji ona.
