by 
Dili, 05/09/2024: S. Exa. Ministru Ensinu Superiór, Siénsia no Kultura, Dr. José Honório, akompañadu husi Diretor Jeral Planeamentu no Finansas, Sr. Hernâni Viterbo da Costa Soares, partisipa iha reuniaun (CAFI) iha Edifisiu Ministériu Finansas, Aitarak Laran, Díli.
Sorumutu extraordinária ida ne’e, ho nia objetivu atu hodi bolu liña ministerial sira atu hodi halo apresiasaun ba iha projetu sai ne’ebé maka lao hela iha tinan ida ne’e nia laran. Ministériu Ensinu Superiór, Siénsia no Kultura rasik mos, iha hela projetu ida ba konstrusaun Landscape edifisiu foun IPB Betanu nian ho nune’e atu husu aprovasaun ba Variation Order (VO) husi Montante 3.9 ba 3.8 Milhoes, ba ajustamentu tuir nesessidade ne’ebé mak previstu ba iha projetu refere nian.
Portanto, wainhira hetan aprovasaun ona husi CAFI, maka hein rezultadu deliberasaun hodi hato’o ba Sua Excelencia Ministro, hodi kontinua ba iha Komisaun Nasional Aprovisionamento (CNA), hodi ble prepara akordu kontratu foun ba kontrator sira hodi bele responde ba nesessidade ajustamentu sira ne’ebé mak defini ona.
Hola parte iha reuniaun ne’e, S. Exa. Ministru Ensinu Superiór, Siénsia no Kultura, Dr. José Honório, Ministra Finansas, Sra. Santina Cardoso, Ministru Planeamentu no Investimentu Estrateziku (MPIE), Sr. Gastão Francisco Sousa, Ministru Transporte no Telekomunikasaun, Sr. Miguel Manetelu, no ekipa tekniku sira husi ADN no CAFI.
