by 
Díli, 04/10/2024: S. Exa. Ministru Ensinu Superiór, Siénsia no Kultura, Dr. José Honório, halao sorumutu ho estudante bolseiru sira ne’ebé mak selesionadu ba ´´Timor-Leste Camboja Friendship Scholarhip“, iha sala reuniaun MESSK, Colmera Dìli.
Total estudante ne’ebé mak selesionadu ba bolsu estudu Meritu refere hamutuk nain 10, ne’ebé mak kompostu husi mane rua (2) no Feto nain Ualu (
, ne’ebé mak sei ba kontinua sira nia estudu iha area espesialidade sira hanesan, International Business, International Relation no Information Technology ba nível lisensiatura nian.
Prosesu selesan ba kandidatu sira ne’e, liuhusi konkursu meritu ne’ebé mak Ministériu Anunsia liuhusi Pajina Ofisial MESSK nian iha Tinan 2023 liu ba, ne’ebé mak ho nia kronolojia prosesu passa husi faze selesaun dokumentus, entrevista no ikus termina ho Teste ba IELTS ne’ebé mak hanesan rekezitus obrigatoriu ida husi Universidade Camboja ba programa refere.
Iha Serimonia ofisial ida ne’e, Dr. José Honório afirma iha nia diskursu ´´ Hato’o felisitasaun parabéns ba iha estudante sira, husu atu estuda ho di’ak no investe aproveitamentu ne’ebé diak ba oferta bolsa ne’ebé mak oferese husi Camboja mai Timor-Leste“.
Governu Timor-Leste, mos antes ne’e selebra ona akordu ho Governu Camboja liuhusi MOU – G to G, ne’ebé mak asina ofisial husi S. Exa. Ministru Ensinu Superiór, Siénsia no Kultura, Dr. José Honório iha tempu hirak liu ba, ho hahu servisu hamutuk ba setor edukasaun ensinu superior nian. Aleinde ne’e em nível tékniku, assina mos MOU ho Universidade Camboja rasik, ne’ebé mak assina husi Diretora Jeral Ensinu Superiór no Siénsia, Sra. Maria Filomena Lay Guterres, ba implementasaun kooperasaun ba iha area kapasitasaun rekursu umanu, ne’ebé mak kabe mos ba implementasaun programa bolsu estudu ida ne’e nian rasik.
Hola parte iha sorumutu ne’e, S. Exa. Ministru, Dr. José Honório, akompañadu husi Xefe Gabinete MESSK, Coordenador UPC, hamutuk ho assessor no tékniku sira husi MESSK nian.
