April 15, 2024

S.EXA. DR.JOSÉ HONÓRIO SAI ORADÓR PRINSIPÁL IHA SEMINÁRIU ORIENTASAUN BA ESTUDANTES FOUN UNPAZ TINAN AKADÉMIKU 2024

Díli, 27 Fevereiru 2024 – S.E. Ministru Ensinu Superior, Siénsia no Kultura sai Oradór Prinsipál dahuluk ba Estudantes foun Universidade da Paz (UNPAZ) ho Tema “ Papel Ensinu Superiór Ba Dezenvolvimentu Rekursu Umanu iha Timor-Leste” iha salaun José Casimiro Manleu-ana.

Iha intervensaun, S. Exa. Ministru Ensinu Superior hatete katak “IX Governu Konstitusionál komprometidu atu fortalese ita-nia instituisaun ensinu superior sira, liu husi apoiu atu halo investimentu iha infraestrutura, programa akadémiku, no rekursu umanu ne’ebé kualifikadu. Ita rekoñese katak atu hetan metas ba dezenvolvimentu ekonómiku no sosiál, presiza prepara forsa traballu ne’ebé iha kualifikasaun di’ak no preparadu atu hasoru dezafiu sira iha Sékulu XXI nian”.

Sr. Ministru fó votus susesu ba estudante foun iha sira-nia perkursu akadémiku no husu ba “estudante foun sira atu aproveita no estuda ho laran tomak ba kursu ne’ebé imi hili tiha ona, atu nune’e, wainhira imi gradua husi UNPAZ bele iha kualifikasaun diak no hetan oportunidade atu servisu ka kria servisu ba imi nia rasik no ema seluk”.

#Média_MSSK

0Shares