by 
Dilí, 07 Janeiru 2024 – S. Exa. Ministru Ensinu Superior, Siénsia no Kultura hala’o sorumutuk ho Adjunta Xefe Kaza Sivil Prezidénsia Repúblika ho ninia Ekipa.
Sorumutuk ne’e hala’o iha Salaun MESSK, Kolmera, ho objetivu hodi diskuti kona-ba organizasaun eventu Festival Nasionál ba Desportu, Kultura no Siénsia no Teknolojia no mós kona-ba programa Fraternidade Umana bazeia ba orientasaun husi S. Exa. Prezidente Repúblika nian.
Iha sorumutuk ne’e, Sr. Ministru informa katak Ministériu Ensinu Superior iha disponibilidade tomak atu kolabora iha implemensatsaun programa sira refere.
Adjunta Xefe Kaza Sivil Prezidénsia Repúblika mós informa katak agora dadaun Prezidénisa Repúblika komunika tiha ona ho Ministériu balun no mós ho S. Exa. Vise-Primeiru Ministru ba Asuntu Sosiál sira ne’ebé sei sai Koordenadór ba Komisaun Organizadora ba eventu refere, liuliu ba Festivál Nasionál ne’ebé tuir planu sei hala’o durante fulan ida (15 agostu to’o 15 setembru 2024).
