PROGRAMA BOLSU ESTUDU PARSIAL | MARWADI UNIVERSITY – INDIA

Ministério do Ensino Superior, Ciência e Cultura (MESCC), liu-hosi Unidade de Parcerias e Cooperação (UPC) informa ba publiku katak Marwadi University-India Oferese bolsa estudu parsial ba Timor oan ba Programa Lisensiatura no Masteradu.

Kriteria atu aplika ba bolsa refere mak hanesan :

1. Kandidatu tenki sidadaun Timor oan ho mentalidade no saude diak
2. La iha rejistu ba kazu kriminál ka ezekusaun sivíl husi tribunál kontra kandidatu.
3. Kandidatu tenki iha Passaporte Validu tinan 5 nian

 Dokumentu aplikasaun sira nebe presija :

1. Fotokopia Diploma Lisensiatura no Transkrisaun Akademika (Akompanha ho tradusaun iha lian Ingles) nebe legalizadu original husi Ministeriu Ensinu Superior
2. Fotokopia Diploma Ensinu Sekundáriu (Akompanha ho nia tradusaun iha lian Ingles) nebe legalizadu original hosi Ministeriu Edukasaun
3. Fotokopia Kaderneta Ensinu Secundáriu husi 10^o, 11^o, 12^o ano, no mos pajina primeiro kaderneta nian (Akompanha ho nia tradusaun iha lian Ingles) nebe legalizadu original hosi Ministeriu Edukasaun
4. Fotokopia Sertidaun RDTL (Akompanha ho nia tradusaun iha lian Ingles)
5. Fotokopia kartaun Eleitoral, Billete Identidade no Passaporte (validu)
6. Atestadu Mediku hosi HNGV
7. Deklarasaun kompromisiu husi kandidatu rasik hodi selu kustu eskolar seluk, kustu vida no bilete aviaun ba mai nian.

Benefísiu husi Bolsa refere :

• Livre Propinas, durante estudu tuir tempu terminadu.
• Billete aviaun gratuita ba dala ida (one way) (Dili-India) ba deit programa Lisensiatura.

Kontruibuisaun Kandidatu sira nian wainhira pasa iha bolsa parsial ne maka :

• USD $250/fulan(kobre hahan no hela fatin ); Pagamentu bele halo kada semester ou kada  tinan.
• USD $60/tinan (taxa exame nian)
• USD $50 taxa dala ida deit ba Pakote simu estudante(Pasta Universidade, farda  oin 3, kartaun identifikasaun no apoiu vistu ba India)

Prosesu Aplikasaun :

• Etapa 1 : Prense Formulario Aplikasaunhosi linkhttp://bit.ly/beasiswaindia2026
• Etapa 2: Submisaun dokumentu hosi linkhttp://bit.ly/beasiswaindia2026aplikasi
• Etapa 3 : Avaliasaun elijível no emisaun karta Aseitasaun Provizório
• Etapa 4 : Pagamentu ba taxa konfirmasaun (USD 500) hodi konfirma Aseitasaun
• Etapa 5 : Emisaun ba Karta Aseitasaun ida ba prosesamentu Vistu nian
• Etapa 6: Aplikasaun Vistu online ka bele konsulta iha email priyesh.vaya@marwadieducation.edu.in ka bele konsulta no vizita konsuladu jéral Índia nian iha Bali ba vistu. Taxa vistu estudante nian (USD 80 )
• Etapa 7 : Emisaun Billete Aviaun nian (ba programa sira Lisensiatura nian) no Viajen ba India
• Etapa 8 :ba detallu informasaun bele kontaktu Website ofisial https://www.marwadiuniversity.ac.in no bele kontaktu representante hosi Marwadi University Sr. Ravi Makhija (Indonésia) Nú. Kontaktu/WhatsApp +628159947794 ou liu hosi email: belajardiindia@gmail.com

Atu hatene Informasaun :

• Website MESCC https://mescc.gov.tl ka pájina facebook ofisiál MESCC nian no hare iha kuadru avisu  ka bele vizita diretamente UPC-MESCC, Avenida Marginal no. 4 Colmera – Dili, Timor-Leste, iha oras serbisu nian.
• Hare etapa  8.

Data ba aplikasaun hahu agora to’o 31 Jullu 2026.

Mak ne’e deit, ba ita bo’ot sira nia atensaun ami hato’o, obrigadu wain