March 1, 2024

MONITORIZASAUN PROGRAMA APOIU LIÑA INTERNET BA IES-PRIVADU AKREDITADU SIRA

DÍLI, 8 Setembru – 9 Setembru 2022

Ekipa Ministériu Ensinu Superiór, Siénsia no Kultura, hamutuk ho ekipa husi kompañia Telemor, halo monitorizasaun ba programa apoiu internet ba Instituisaun Ensinu Superiór Privadu sira iha Teritóriu Nasionál.

Objetivu husi, monitorizasaun ne’e, hodi observa fasilidade no kualidade internet ne’ebé fornese husi kompañia operador Telemor, hodi bele garante nia kualidade tuir prosedimentu ne’ebé mak estabelese ona husi MESSK, hodi ajuda fasilita nesessidade husi Instituisaun nian, liu-liu ba Estudante no dosente sira iha Kada IES-Privadu sira.

Atividade moitorizasaun dahuluk ne’e, halao ona iha IES-Privadu sira iha Díli laran, hanesan IFFS, ICS, IOB, DIT, UNITAL, UNDIL, UCT no ISFIT no, kompañia operador Telemor rasik mak instala Internet no tuir plano atividade ne’e sei hala’o mós ba ba iha IES-Privadu akreditadu sira hotu ne’ebé mak antes ne’e iha ona akordu ho MESSK atu simu apoiu refere.

Programa ida-ne’e, realiza bazeia-ba Dekretu-Lei n.28/2022, loron-19 fulan maiu, ne’ebé aprova apoiu ba estabelesimentu ensinu superiór privadu nian, hodi fasilita asesu internét ba dosente no estudante sira, atu nune’e, sira bele hala’o sira-nia traballu peskiza akadémika.

Portantu, antes ne’e, iha loron-15 fulan Agostu tinan 2022, MESSK ho kompañia operador Telemor realiza ona, assinatura kontratu ba estabelesimentu projetu ida-ne’e nian, iha salaun reuniaun MESSK nian, ho nia períodu durasaun kontratu fulan neen (6), atu fornese liña internet ba IES-Privadu sira ne’ebé akreditadu iha territóriu nasionál.

Atividade ne’e, partisipa husi tékniku MESSK no Telemor nian, no mós hetan kolaborasaun diak husi tékniku informátiku IES-Privadu sira nian.

0Shares