by Jakarta, 20/07/2024: S. Exa. Ministru Ensinu Superiór, Siénsia no Kultura, Dr. José Honório, akompañadu husi Ekipa tekniku sira ne’ebé mak kompostu husi Gabinete adidu Edukasaun, Adidu Komersiu no Adidu Seguransa Timor-Leste nian, no tékniku husi MESSK rasik, halo vizita ba iha fatin formasaun ITEA-ICCCM, iha Universidade Borbudor Jakarta, Indonesia.
Objetivu husi vizita ne’e, atu hodi observa fatin ba formasaun ne’ebé mak ITEA iha, hodi ba futuru Ministériu, sei haruka nia rekursu umanu atu mai, partisipa formasaun kapasitasaun kurtu tempu nian iha fatin refere, ba area espesialidade ne’ebé mak sei oferese husi ITEA-ICCCM, tuir nesessidade ne’ebé mak ministério propor ona.
Aleinde ne’e, iha vizita ne’e mos, ekipa halao sorumutu ho Estrutura husi Universitas Borobudur Indonesia, hodi kolia mos kona-ba futuru kooperasaun entre Ministériu ho Instituisaun Ensinu Superiór refere, liu-liu iha area sira hanesan, kapasitasaun rekursu umanu nian, oferta bolsu estudu ba Timor oan sira, ne’ebé nia prossesu administrativa teknika ba rekrutamentu nian, sei halao husi Ministériu Ensinu Superiór, Siénsia no Kultura rasik.
